తక్కువ కాలంలోనే స్టార్ హీరోగా ఎదిగాడు విజయ్ దేవరకొండ. తన స్టైలిష్ లుక్, విభిన్న నటనతో ఎందరో అభిమానుల్ని సంపాందించుకున్నాడు. సినిమాల్లోనే కాక సామాజిక మాధ్యమాల్లోనూ ఈ రౌడీ హీరో జోరు కొనసాగుతోంది. తాజాగా ఈ హీరో ఇన్స్టాగ్రామ్ ఖాతా 8 మిలియన్ ఫాలోవర్లకు చేరింది. ప్రస్తుతం ఇన్స్టాలో అత్యధిక ఫాలోవర్లు కలిగిన దక్షిణాది హీరోగా విజయ్ దూసుకెళ్తుండటం గమనార్హం.
అల్లు అర్జున్ (7.6మిలియన్), మహేశ్ బాబు (5.2మిలియన్), ప్రభాస్ (4.8మిలియన్), రానా దగ్గుబాటి (4మిలియన్) తర్వాత స్థానాల్లో ఉన్నారు.
విజయ్ దేవరకొండ ప్రస్తుతం పూరి జగన్నాథ్తో ఓ చిత్రం చేస్తున్నాడు. ఈ మూవీలో ఇతడు ప్రొఫెషనల్ బాక్సర్గా కనిపించనున్నట్లు సమాచారం. ఇప్పటికే ముంబయి, హైదరాబాద్ల్లో షూటింగ్ పూర్తి చేసుకుంది. పాన్ ఇండియా మూవీగా తెరకెక్కనున్న ఈ చిత్రంలో అనన్య పాండే హీరోయిన్గా నటిస్తోంది.
