అదెంటీ.. ఆశ్చర్యపోతున్నారా. నిజమే విజయ్ ఓ ఇంటి వాడయ్యాడు. కాకపోతే పెళ్లి చేసుకుని కాదు.. ఓ ఇల్లు కొనుక్కుని. ఫిల్మ్ నగర్లో హీరో శ్రీకాంత్ ఇంటి సమీపంలో ఆహ్లాదకరమైన వాతావరణంలో నిర్మించిన ఇంటిని విజయ్ భారీ మొత్తం చెల్లించి కొనుగోలు చేశాడు. ఆ కొత్తింట్లోకి విజయ్ తల్లిదండ్రులు, సోదరుడితో కలిసి గృహప్రవేశం చేశాడు.
ఇటీవలే నిర్మాతగా మారి 'మీకు మాత్రమే చెప్తా'తో తన అదృష్టాన్ని పరీక్షించుకున్నాడు విజయ్. బాక్సాఫీసు వద్ద ఆశించిన స్థాయిలోనే ఆ చిత్రం వసూళ్లు రాబట్టింది. ఆనందంలో ఉన్న విజయ్ సొంతింటి కలను సాకారం చేసుకున్నాడు. అయితే విజయ్ ఇంటిపై సినీ విశ్లేషకులు తమదైన శైలిలో ప్రచారం చేస్తున్నారు.
ప్రస్తుతం విజయ్ ప్రముఖ నిర్మాత కె.ఎస్.రామారావు నిర్మిస్తున్న 'వరల్డ్ ఫేమస్ లవర్'లో నటిస్తున్నాడు. ఆ సినిమా పారితోషికం కింద కె.ఎస్.రామారావు విజయ్కి ఇల్లు కొనిచ్చారని ఫిల్మ్ నగర్లో ప్రచారం జోరుగా సాగుతోంది. ఈ నేపథ్యంలో అవేవి పట్టించుకోకుండానే ఈ రౌడీ హీరో ఓ ఇంటి వాడవడం విశేషం.
ఇవీ చూడండి.. హిందీలో మాట్లాడమంటే కౌంటర్ ఇచ్చిన తాప్సీ
