కన్నడ హీరో య‌శ్ ప్ర‌ధాన పాత్రలో న‌టించిన 'కేజీఎఫ్'.. గతేడాది విడుదలై దేశవ్యాప్తంగా సంచలనం సృష్టించింది. సీక్వెల్ కోసం ఎంతో ఎదురుచూసేలా చేసింది. ప్రస్తుతం కేజీఎఫ్ 2 చివరి షెడ్యూల్ షూటింగ్, బెంగళూరులో జరుగుతోంది. ఇది 10 రోజుల పాటు ఉండనుంది.
లాక్డౌన్తో వచ్చిన సుదీర్ఘ విరామం తర్వాత బుధవారం నుంచి చిత్రీకరణ ప్రారంభమైంది. విలక్షణ నటుడు ప్రకాశ్రాజ్ చిత్రీకరణలో పాల్గొన్నట్లు ట్వీట్ చేశారు. 'స్టార్ట్.. కెమెరా.. యాక్షన్ బ్యాక్టూ వర్క్' అంటూ ఫొటోలను పోస్ట్ చేశారు. 'కేజీఎఫ్' తొలి భాగంలో అనంత్ నాగ్ కనిపించిన పాత్రలో.. రెండో భాగంలో ప్రకాశ్ రాజ్ కనిపించనున్నట్లు తెలుస్తోంది. 'చాప్టర్ 2'లోనూ అనంత్ నాగ్ పాత్ర కీలకంగా ఉంటుందని సమాచారం.
ఇందులో యష్ సరసన శ్రీనిధి శెట్టి హీరోయిన్గా నటించింది. సంజయ్ దత్ అధీరాగా, రవీనా టండన్ ప్రధానమంత్రిగా కనిపించనున్నారు. ప్రశాంత్ నీల్ దర్శకుడు. రవి బస్రూర్ సంగీతం సమకూరుస్తున్నారు.
