విక్టరీ వెంకటేశ్ ప్రస్తుతం 'వెంకీ మామ' షూటింగ్లో బిజీగా ఉన్నాడు. ఆ తర్వాత తమిళ సూపర్హిట్ 'అసురన్' రీమేక్లో నటించనున్నాడు. మాతృకలో ధనుష్ పోషించిన పాత్రలో వెంకీ కనిపించనున్నాడు. సురేశ్బాబు నిర్మాతగా వ్యవహరించనున్నారు. శ్రీకాంత్ అడ్డాల దర్శకుడు. ప్రస్తుతం స్క్రిప్ట్ వర్క్ జరుగుతోంది. అయితే ఈ చిత్రానికి సంబంధించిన ఓ విషయం ఆసక్తి కలిగిస్తోంది.
ఇందులో ఇద్దరు 'అసురన్'లు కాకుండా ఒక్కరే దర్శనమివ్వబోతున్నారట. అంటే తెరపై ఒక్క పాత్రలోనే వెంకీ కనిపిస్తాడన్నమాట. ఈ చిత్ర మాతృకలో ధనుష్ యువకుడిగా, వయసు మీద పడిన వ్యక్తిగా అలరించాడు. తెలుగు వెర్షన్లో మాత్రం వెంకీ ఒక పాత్రనే పోషించనున్నట్లు తెలుస్తోంది. వయసు మళ్లిన వ్యక్తి పాత్రను వెంకటేశ్... యువకుడి పాత్రను ఓ యువహీరోతో చేయించేందుకు సన్నాహాలు చేస్తున్నారట.
మరి ఈ వార్తలో వాస్తవమెంతన్నది తెలియాలంటే అధికారిక ప్రకటన వచ్చే వరకు ఆగాల్సిందే. ఒకవేళ ఇదే నిజమైతే 'ఎఫ్‌ 2', 'వెంకీమామ' చిత్రాల తర్వాత వెంకటేశ్ నుంచి రాబోయే హ్యాట్రిక్‌ మల్టీస్టారర్‌ చిత్రమవుతుంది.
ఇది చదవండి: వెంకీ 75.. ఇటు త్రివిక్రమ్‌.. అటు 'అసురన్'!
