'ప్రభాస్ 20' చిత్ర పనులు శరవేగంగా జరుగుతున్నాయి. ప్రస్తుతం హైదరాబాద్లో ఈ సినిమా చిత్రీకరణ జరుగుతుండగానే తర్వాతి షెడ్యూల్కు సంబంధించిన సెట్టింగ్ పనులు చకచకా జరిగిపోతున్నాయి. యూరోప్‌ నేపథ్యంతో సాగే ఓ సరికొత్త పీరియాడిక్ ప్రేమ కథా చిత్రంగా దీన్ని రూపొందిస్తున్నారు. అందుకు తగ్గట్లుగా '70ల కాలంలోని యూరోపియన్‌ నగర వాతావరణానికి తగ్గట్లుగా సినిమా కోసం కీలక సెట్లను రూపొందిస్తోంది చిత్ర బృందం. ఇందుకోసం అన్నపూర్ణ స్టూడియోస్‌తో పాటు హైదరాబాద్ పరిసర ప్రాంతాల్లో దాదాపు 25 రకాల సెట్లను నిర్మిస్తున్నారని సమాచారం. ఇప్పటికే వీటిలో కొన్ని పూర్తికాగా.. మరికొన్ని నిర్మాణ దశలో ఉన్నాయి. ఈ చిత్రానికి సంబంధించిన అత్యధిక చిత్రీకరణ ఈ సెట్లలోనే జరగనుంది.
అంతేకాదు వీటికి సంబంధించిన వివరాలు, ఫొటోలు బయటకు రాకుండా చిత్ర బృందం అనేక రకాల జాగ్రత్తలు తీసుకుంటున్నారు. సెట్లో సెల్ఫోన్లు అనుమతించకుండా ఏర్పాట్లు చేశారు. షూటింగ్లో అతిథులు వచ్చినా వారిని కూడా బయటే కలుసుకునే విధంగా నటీనటుల కోసం ఏర్పాట్లు చేశారని సినీవర్గాల్లో గుసగుసలు వినిపిస్తున్నాయి.
భారీ బడ్జెట్‌తో తెరకెక్కుతున్న చిత్రం కావడం వల్ల ఏ చిన్న పొరపాటు జరగకూడదని పట్టుదలతో ఉందట చిత్ర బృందం. వచ్చే ఏడాది వేసవి కానుకగా చిత్రం విడుదలకానుంది. 'జిల్‌' ఫేం రాధాకృష్ణ దర్శకత్వంలో తెరకెక్కుతోన్న ఈ చిత్రాన్ని గోపికృష్ణ మూవీస్, యువీ క్రియేషన్స్‌ సంయుక్తంగా నిర్మిస్తున్నాయి. ఇప్పటికీ ఈ చిత్రానికి టైటిల్ ఖరారు చేయలేదు.
ఇదీ చూడండి.. ప్రభాస్కు తల్లిగా అలనాటి అందాల భామ.!
