తమ అందానికి సంబంధించిన విషయాలను ఇటీవల కాలంలో నటీమణులు ఎప్పటికప్పుడూ సోషల్మీడియాలో పోస్ట్ చేస్తున్నారు. ఇందులో భాగంగానే బాలీవుడ్ హాట్ బ్యూటీ ఊర్వశి రౌతేలా(Urvasi Rautela) తన ఫొటోను పోస్ట్ చేయడం వల్ల అదికాస్త వైరల్గా మారింది. ఇందులో ఆమె ఒంటినిండా బురద పూసుకుని(మడ్బాత్) బాల్కానీలో కూర్చొని ఉంది.
సాధారణంగా ఈ మడ్బాత్ను అందాన్ని మరింత మెరుగుపరుచుకోవడం సహా శరీరంపై విషపూరిత కణాలు తొలిగించుకోవడానికి చేస్తుంటారు. అయితే ఊర్వశి పోస్ట్ చేసిన నేపథ్యంలో మిగతా నటీనటులకు సంబంధించిన ఇలాంటి ఫొటోలే నెట్టింట్లో తారసపడ్డాయి. అయితే అవి సినిమాల్లోని సన్నివేశంలో భాగంగా ఒంటినిండా బురదా పూసుకోని నటించాల్సి వచ్చింది.
అదిరిపోయే ఎంట్రీ
షారుక్ ఖాన్(Sharukh Khan).. 2014లో విడుదలైన 'హ్యాపీ న్యూ ఇయర్' చిత్రం ఎంట్రీ సీన్లో ఈ లుక్లో కనిపించారు. ఇందులో ఆయన ఎనిమిది పలకల దేహాం అభిమానులను ఎంతగానో ఆకట్టుకుంది. ఈ సినిమాలో అభిషేక్ బచ్చన్, దీపికా పదుకొణె, సోనూసూద్ కూడా కనిపించారు. త్వరలోనే బాద్షా.. 'పఠాన్' సినిమాతో ప్రేక్షకుల ముందుకు రానున్నారు.
ఫైట్ సీన్ కోసం
తమిళ సినిమా 'ఒకేఒక్కడు' హిందీ రీమేక్ 'నాయక్' ఎంతలా హిట్ అయిందో ప్రత్యేకంగా చెప్పనక్కర్లేదు. ఈ సినిమాలో హీరో అనిల్కపూర్(Anil Kapoor).. బురదలో ఫైట్ సన్నివేశం కోసం ఇలా కనిపించారు. ఈ కొట్లాట సీన్ ఒళ్లు గగుర్పొడిచేలా ఉంటుంది. 2001లో విడుదలైన ఈ సినిమాను శంకర్ దర్శకత్వం వహించారు.
ఫైట్ సీన్లో
'గూండే' సినిమాలో హీరోలు రణ్వీర్ సింగ్, అర్జున్ కపూర్(Ranveer Singh, Arjun kapoor) డీగ్లామర్ లుక్లో కనిపించారు. ఇందులో ప్రియాంక చోప్రా కూడా కనిపించింది. అలీ అబ్బాస్ జాఫర్ దర్శకుడు. ప్రస్తుతం ఈ యువహీరోలు పలు చిత్రాలతో బిజీగా ఉన్నారు.
బురదలో రొమాన్స్
2017లో విశాల్ భరద్వాజ్ దర్శకత్వంలో 'రంగూన్' సినిమా విడుదలైంది. హీరోహీరోయిన్లుగా షాహిద్కపూర్-కంగనా రనౌత్(Shahid kapoor-Kangana ranaut) నటించారు. ఓ సన్నివేశంలో భాగంగా బురదలో ఈ జంట రొమాన్స్ చేస్తూ కనిపిస్తారు.
టీవీ షోలో
బాలీవుడ్ బుల్లితెర స్టార్ నటి దీపికా సింగ్.. ఓ టీవీ షో కోసం ఏకంగా నాలుగు గంటలపాటు ఒంటి నిండా దాదాపు 20కిలో ముల్తాన్ మట్టిని పూసుకుని నటించింది.
రైతులకు అంకితమిస్తూ
గతేడాది లాక్డౌన్లో భాగంగా బాలీవుడ్ స్టార్ హీరో సల్మాన్ ఖాన్(Salman Khan) తమ ఫామ్ హౌస్లో గడిపారు. ఆ సమయంలోనే ఆయన రైతుగా మారారు. అప్పుడే ఈ ఫొటో దిగి పోస్ట్ చేశారు. రైతులకు మద్దతు తెలుపుతూ.. 'వారిని గౌరవించండి' అంటూ వ్యాఖ్య జోడించాడు. ఇటీవల ఆయన రాధే సినిమాతో ప్రేక్షకుల ముందుకు వచ్చారు. పస్తుతం 'టైగర్ 3', 'యాంటిమ్: ది ఫైనల్ ట్రూత్' సినిమాల్లో నటిస్తున్నారు.
ఇదీ చూడండి: ఇమేజ్ పెరిగింది.. ట్యాగ్ మారింది!
