స్టైలిష్స్టార్ అల్లు అర్జున్, ఆయనకు సోదరుడి వరసయ్యే వైష్ణవ్ తేజ్ యూట్యూబ్‌లో సందడి చేస్తున్నారు. ఒకరు వీడియో సాంగ్‌తో ప్రేక్షకులను మెప్పిస్తుంటే మరొకరు ఆడియో సాంగ్‌తో అలరిస్తున్నారు. బన్నీ కథానాయకుడిగా త్రివిక్రమ్‌ కాంబినేషన్‌లో తెరకెక్కిన చిత్రం 'అల.. వైకుంఠపురములో'. సంక్రాంతి కానుకగా విడుదలైన ఈ సినిమా బాక్సాఫీస్‌ వద్ద కలెక్షన్ల వర్షం కురిపించి బ్లాక్‌బాస్టర్‌ విజయాన్ని నమోదు చేసుకుంది. తమన్‌ స్వరాలు అందించిన ఈ చిత్రంలోని పాటలు సినిమా విడుదల కంటే ముందే రికార్డులు సృష్టించాయి. తాజాగా ఈ చిత్రంలోని 'రాములో రాములా' వీడియో సాంగ్‌ 100 మిలియన్ల వ్యూస్‌ను సొంతం చేసుకుని యూట్యూబ్‌లో దూసుకెళ్తోంది. కాసర్ల శ్యామ్‌ రచించిన ఈ పాటను అనురాగ్‌ కులకర్ణి, మంగ్లీ ఆలపించారు.
- " class="align-text-top noRightClick twitterSection" data="">
సాయిధరమ్‌ తేజ్ సోదరుడు వైష్ణవ్ తేజ్ త్వరలోనే వెండితెరకు పరిచయం కానున్నాడు. బుచ్చిబాబు దర్శకత్వంలో తెరకెక్కుతున్న 'ఉప్పెన' చిత్రంతో వైష్ణవ్ కథానాయకుడిగా అలరించేందుకు సిద్ధమయ్యాడు. మైత్రీ మూవీ మేకర్స్‌ బ్యానర్‌పై తెరకెక్కుతున్న ఈ చిత్రానికి దేవిశ్రీ స్వరాలు అందిస్తున్నాడు. కృతీ శెట్టి కథానాయిక. ఈ సినిమాలోని 'నీ కన్ను నీలి సముద్రం' అనే ఆడియో సాంగ్‌ ఇప్పటివరకు 50 మిలియన్ల వ్యూస్‌ను సొంతం చేసుకుని యూట్యూబ్‌లో ప్రేక్షకులను అలరిస్తుంది. విజయ్‌ సేతుపతి ఈ చిత్రంలో కీలకపాత్రలో కనిపించనున్నాడు. వేసవి కానుకగా ఏప్రిల్‌ 2న 'ఉప్పెన' చిత్రాన్ని ప్రేక్షకుల ముందుకు తీసుకురావాలని భావించినప్పటికీ లాక్‌డౌన్‌ వల్ల కొంతకాలం పాటు వాయిదా వేశారు.
- " class="align-text-top noRightClick twitterSection" data="">
ఇదీ చూడండి.. 93 ఏళ్ల చరిత్రలో మొదటిసారి ఆస్కార్ వాయిదా!
