తన నటనతో ప్రేక్షకులను కట్టిపడేసి.. అందంతో అభిమానుల మనసు దోచేసింది బాలీవుడ్ హీరోయిన్ విద్యా బాలన్. సినీ కెరీర్ ప్రారంభం నుంచి ఎన్నో ఒడుదొడుకులను ఎదుర్కొంది. తనకంటూ ప్రత్యేకతను చాటుకొని వెండితెర ప్రయాణంలో.. ఇప్పటికి 15 ఏళ్లు పూర్తి చేసుకుంది. ఈ సందర్భంగా ఆన్లైన్ వేదికగా ఓ మీడియాకు ఇచ్చిన ఇంటర్వ్యూలో మాట్లాడుతూ.. తనను ఎంతగానో ఆదరించిన ప్రేక్షకాభిమానులకు కృతజ్ఞతలు తెలిపింది విద్య.
నటి కావాలన్న తన ఏకైక కల నెరవేరినందుకు ఎంతో సంతోషంగా ఉందని చెప్పింది. ఈ క్రమంలోనే తన కెరీర్ గురించి ఆసక్తికర విషయాలు పంచుకుంది.
- " class="align-text-top noRightClick twitterSection" data="">
"అవును. నా ప్రయాణంలో కొన్ని ఒడుదొడుకులు, సవాళ్లు ఉన్నాయి. వాటి నుంచే పాఠాలు నేర్చుకున్నా. కొన్ని సార్లు నేను అనుకున్న స్థాయికి చేరుకున్నట్లు అనిపిస్తుంది. ఈ నటనకే నా జీవితాన్ని అంకితం చేస్తాను. మిగిలిన కాలం కూడా ఇలాగే గడిపేస్తా".
విద్యా బాలన్, సినీ నటి.
'పరినీత' సినిమాతో బాలీవుడ్లో అరంగేట్రం చేసిన విద్యాబాలన్.. 'ద డర్టీ పిక్చర్'తో బ్లాక్బాస్టర్ అందుకుంది. ఈ సినిమాలో తన నటనతో విమర్శకుల ప్రశంసలూ పొందింది. తాజాగా హ్యూమన్ కంప్యూటర్ 'శకుంతల దేవి' జీవిత కథ ఆధారంగా తెరకెక్కించిన చిత్రంలోనూ నటించింది. జులై 30న ఆన్లైన్ స్ట్రీమింగ్ అమెజాన్లో విడుదలైన ఈ సినిమాకు నెటిజన్ల నుంచి విశేష స్పందన లభిస్తోంది.
- " class="align-text-top noRightClick twitterSection" data="">
