బాలీవుడ్ హీరో సుశాంత్ సింగ్ రాజ్పుత్ ఆత్మహత్య చేసుకున్న నేపథ్యంలో పలువురు బాలీవుడ్ సెలబ్రిటీలపై కేసు నమోదైంది. ఈ నేపథ్యంలో స్పందించిన నిర్మాత ఏక్తా కపూర్.. ఎప్పటికైనా నిజమే గెలుస్తుందని, సుశాంత్ కుటుంబాన్ని ప్రశాంతంగా ఉండనివ్వాలని ఇన్స్టాలో పోస్ట్ చేసింది.
"సుశాంత్కు అవకాశాలివ్వలేదని నాపై కేసు పెట్టినందుకు ధన్యవాదాలు.. నిజానికి అతడ్ని ఇండస్ట్రీకి పరిచయం చేసింది నేనే. ఇలాంటి ఆరోపణలు ఎలా వచ్చాయో తెలియడం లేదు. ప్రస్తుతం సుశాంత్ కుటుంబం, స్నేహితులను ప్రశాంతంగా బాధపడనివ్వండి. నిజం ఎప్పటికైనా నిలబడుతుంది. దీనినే నమ్మండి"
ఏక్తా కపూర్, బాలీవుడ్ నిర్మాత
సుశాంత్కు సినీ అవకాశాల రాకుండా కొందరు వ్యక్తులు కుట్రకు పాల్పడ్డారని, అందువల్లే అతడు ఆత్మహత్య చేసుకోవాల్సి వచ్చిందని బిహార్కు చెందిన సుధీర్ కుమార్ ఓజా అనే న్యాయవాది ఫిర్యాదు చేశారు. ఈ మేరకు బాలీవుడ్ దర్శక నిర్మాత కరణ్ జోహర్, దర్శకుడు సంజయ్ లీలా భన్సాలీ, హీరో సల్మాన్ ఖాన్, నిర్మాత ఏక్తా కపూర్లపై ఐపీసీ సెక్షన్ 306, 109, 504, 506 కింద ముజఫర్పుర్లో కేసు నమోదైంది.
ఇదీ చూడండి:సుశాంత్ సూసైడ్: సల్మాన్, కరణ్, భన్సాలీపై కేసు నమోదు
