మీరు మీ అభిమాన హీరో సినిమాకు వెళ్లారు. మరో స్టార్.. అతడు/ఆమెతో వెండితెరపై స్క్రీన్ షేర్ చేసుకున్నారు. ఆశ్చర్యపోవడం మీ వంతైంది. ఇలాంటి సంఘటనలు ఈ ఏడాది చాలానే జరిగాయి. అందులో కొందరు ప్రముఖ హీరో/హీరోయిన్లల సినిమాలు ఉన్నాయి. వారు కనిపించడమే కాకుండా, కాసేపు నటించి అలరించారు. ఇంతకీ వారెవరు? ఆ చిత్రాలేంటి? తెలియాలంటే ఈ కథనం చదవాల్సిందే.
ఎన్టీఆర్(కథానాయకుడు-మహానాయకుడు)
ఈ ఏడాది ప్రారంభంలో వచ్చిన ఈ సినిమాలో చాలా మంది ప్రముఖ నటీనటులు అతిథి పాత్రలు పోషించారు. వీరిలో రానా(నారా చంద్రబాబు నాయుడు పాత్రలో), రకుల్ ప్రీత్ సింగ్(శ్రీదేవి), పాయల్ రాజ్పుత్(జయసుధ), హన్సిక(జయప్రద), కల్యాణ్రామ్(హరికృష్ణ).. సంబంధిత పాత్రల్లో ఆకట్టుకున్నారు.
గ్యాంగ్లీడర్, గద్దలకొండ గణేష్
నాని కథానాయకుడిగా నటించిన 'గ్యాంగ్లీడర్'లో, మెగాహీరో వరుణ్తేజ్ 'గద్దలకొండ గణేష్'లోనూ దర్శకుడు సుకుమార్ తళుక్కున మెరిశాడు. ప్రేక్షకుల్ని ఆశ్చర్యపరిచాడు.
గ్యాంగ్లీడర్
ఓ వైపు హీరోగా రాణిస్తూనే, మరోవైపు విలన్గా ఆకట్టుకున్నాడు కార్తికేయ. నాని 'గ్యాంగ్లీడర్' కోసం తొలిసారి ప్రతినాయకుడి అవతారమెత్తాడు. తన నటనతో ఆకట్టుకున్నాడు. అన్ని పాత్రల్లోనూ తను రాణించగలనని నిరూపించాడు.
గద్దలకొండ గణేష్
ఈ చిత్రంలో వచ్చే చివరి సన్నివేశంలో హీరో నితిన్.. నిజ జీవిత పాత్రనే పోషించాడు. ప్రేక్షకులను సర్ప్రైజ్ చేశాడు.
ఓ బేబీ
ఈ సినిమాలో ఏకంగా ముగ్గురు స్టార్స్.. ఒక్కసారిగా కనిపించి సర్ప్రైజ్ చేశారు. వారిలో చిత్ర దర్శకురాలు నందిని రెడ్డి, హీరోలు నాగచైతన్య, అడివి శేష్ ఉన్నారు.
మన్మథుడు-2
ఈ సినిమాలోనూ ఇద్దరు స్టార్ హీరోయిన్స్ గెస్ట్ రోల్స్లో కనిపించారు. వారిలో సమంత, కీర్తి సురేశ్ ఉన్నారు.
సైరా నరసింహారెడ్డి
మెగాస్టార్ చిరంజీవి 'సైరా'లో భారీతారగణం నటించారు. విజయ్ సేతుపతి, కిచ్చా సుదీప్, అమితాబ్ బచ్చన్ వంటి వారు కీలక పాత్రలు పోషించారు. వీరే కాకుండా స్వీటీ అనుష్క శెట్టి.. రాణి రుద్రమదేవిగా కనిపించి, ప్రేక్షకులను సర్ప్రైజ్ చేసింది.
ఇస్మార్ట్ శంకర్
రామ్ 'ఇస్మార్ట్ శంకర్'లో దర్శకుడు పూరీ జగన్నాథ్.. టైటిల్ సాంగ్లో కనిపించి, అలరించాడు. ఇది అతడికేం కొత్త కాదు. ఇంతకు ముందు చాలా సినిమాల్లో గెస్ట్ పాత్రల్లో ఆకట్టుకున్నాడు.
ఇది చదవండి: 2019లో మెరిపించి మురిపించిన కొత్త భామలు
