thaman music for radheshyam: వరుస సినిమాలతో సంగీత దర్శకుడు తమన్ మంచి జోరు మీద ఉన్నారు. అఖండ బాక్సాఫీస్ వద్ద కలెక్షన్ వర్షం కురిపించడంలో తమన్ ఇచ్చిన మ్యూజిక్ ఎంతో కీలకంగా నిలిచింది. ఇదే జోరుతో రాధేశ్యామ్ చిత్రాన్ని కూడా ఒప్పుకొన్నారు.
అయితే రాధేశ్యామ్ చిత్రాన్ని తాను ఓ సవాలుగా స్వీకరించినట్లు చెప్పుకొచ్చారు తమన్. కేవలం మాస్ సినిమాలకు మాత్రమే గాక రొమాంటిక్ డ్రామాలకు కూడా బీజీఎం కంపోజ్ చేయగలనని అందరికీ నిరూపించాలనుకుంటున్నట్లు తెలిపారు. అందుకే ఈ చిత్రాన్ని ఛాలెంజ్‌గా తీసుకున్నట్లు పేర్కొన్నారు.
రాధేశ్యామ్ చిత్రానికి జస్టిన్ ప్రభాకరన్ సంగీతం అందించారు. అయితే తమన్ బ్యాగ్రౌండ్ మ్యూజిక్ చేయడానికి ఒప్పుకొన్నారు. ఈ నిర్ణయం సినీ ప్రియులను ఒకింత ఆశ్చర్యానికి గురి చేసింది.
ప్రస్తుతం తమన్ రాధేశ్యామ్తో పాటు భీమ్లా నాయక్, గని, సర్కారు వారి పాట, థ్యాంక్యూ, గాడ్ ఫాదర్, ఆర్సీ 15, విజయ్ చిత్రాలకు మ్యూజిక్ అందిస్తున్నారు.
ఇదీ చూడండి: రూ.150కోట్లతో తీసిన 'బాహుబలి 3'ని పక్కన పెట్టేశారా?
