Ajaydevgan Runway 34 trailer: బాలీవుడ్‌లో మరో ఆసక్తికర చిత్రం ప్రేక్షకులను అలరించేందుకు సిద్ధమైంది. అగ్ర కథానాయకులు అమితాబ్‌ బచ్చన్‌, అజయ్ దేవగణ్ ప్రధాన పాత్రల్లో నటిస్తున్న చిత్రం 'రన్వే 34'. రకుల్‌ప్రీత్‌ సింగ్‌ కీలక పాత్రలో కనిపించనుంది. అజయ్ దేవగణ్ స్వీయదర్శకత్వంలో నిర్మిస్తున్నారు. 2015లో జరిగిన ఓ యథార్థ సంఘటన ఆధారంగా తెరకెక్కిస్తున్నారు. సోమవారం ఈ చిత్ర ట్రైలర్ను విడుదల చేసింది చిత్రబృందం. 'చేసిన తప్పు ఒప్పుకోవడంలోనే మనిషి క్యారెక్టర్ తెలుస్తుంది', 'అసలేం జరిగింది. ఎలా జరిగింది అనే విషయాల మధ్య ఒక సన్నని గీత ఉంటుంది. అదే నిజం' వంటి డైలాగ్లు ఆకట్టుకుంటున్నాయి. మొత్తంగా ఈ ప్రచార చిత్రం ఆద్యంతం సినిమాపై ఉత్కంఠతను రేకేత్తిస్తోంది. విమానయాన రంగం చుట్టూ తిరిగే ఈ కథలో అజయ్, రకుల్‌ పైలట్లుగా, అమితాబ్‌ విచారణాధికారిగా నటిస్తున్నట్లు తెలుస్తోంది. గతంలో 'యు మీ ఔర్‌ హమ్‌', 'శివాయ్‌' చిత్రాలకు అజయ్ దర్శకత్వం వహించారు. ప్రస్తుతం పలు చిత్రాలతో బిజీగా ఉన్న ఆయన.. త్వరలోనే రానున్న 'ఆర్‌ఆర్‌ఆర్‌' చిత్రంలో ముఖ్యపాత్ర పోషించారు.
- " class="align-text-top noRightClick twitterSection" data="">
Tapsee Shabash Mithu teaser: భారత మహిళా క్రికెట్ జట్టు కెప్టెన్ మిథాలీ రాజ్ జీవితాధారంగా తెరకెక్కుతున్న సినిమా 'శభాష్ మిథు'. తాప్సీ ప్రధాన పాత్ర పోషించింది. తాజాగా ఈ సినిమా టీజర్ విడుదలై ఆకట్టుకుంటోంది. జనాలతో కిక్కిరిసిపోయిన స్టేడియంలోకి టీమ్ను గెలిపించడానికి నేనున్నానంటూ భరోసానిస్తూ బ్యాట్ను పైకెత్తుతూ అడుగుపెట్టింది తాప్సీ. శ్రీజిత్ ముఖర్జీ దర్శకత్వం వహించిన ఈ సినిమాను వయాకామ్ 18 స్టూడియోస్ నిర్మించింది. త్వరలోనే ఈ చిత్రం ప్రేక్షకుల ముందుకు రానుంది. కాగా, గతంలోనూ తాప్సీ క్రీడానేపథ్యం ఉన్న చిత్రాలు చేసింది. 'సూర్మ', 'సాండ్ కీ ఆంఖ్', 'రష్మీ రాకెట్' వంటి చిత్రాలు చేసింది.
- " class="align-text-top noRightClick twitterSection" data="">
Maheshbabu Peny song records: ప్రతి రూపాయి విలువను తెలియజేస్తూ సూపర్స్టార్ మహేశ్బాబు నటించిన 'పెన్నీ' సాంగ్ అభిమానులను విపరీతంగా ఆకట్టుకుంటోంది. మహేశ్ యంగ్ లుక్, ఆయన కూతురు సితారతో కలిసి స్టెప్పులేయడం వల్ల ఈ పాట ఫ్యాన్స్లో మరింత జోష్ను నింపింది. సోషల్మీడియాలోనూ రికార్డులు సృష్టిస్తోంది. యూట్యూబ్లో ట్రెండింగ్లో టాప్ 1లో నిలిచింది. తెలుగు చిత్రసీమలో అతి తక్కువ సమయంలో 15 మిలియన్ల వ్యూస్ను దక్కించుకున్న పాటగా నిలిచింది. 5లక్షలకు పైగా లైక్స్ను దక్కించుకుంది. కాగా, ఈ గీతానికి అనంత శ్రీరామ్‌ లిరిక్స్‌ అందించారు. నకాశ్‌ అజీజ్‌ అలపించారు. ఇప్పటికే విడుదలైన ఈ సినిమా ప్రచార చిత్రాలు సూపర్స్టార్ అభిమానుల్లో అంచనాలు పెంచేశాయి. మైత్రి మూవీ మేకర్స్, 14 రీల్స్‌ ప్లస్ సంయుక్తంగా నిర్మిస్తోన్న ఈ సినిమా మే 12న ప్రేక్షకుల ముందుకు రానుంది.
- " class="align-text-top noRightClick twitterSection" data="">
ఇదీ చూడండి: ఈ వారమే 'ఆర్‌ఆర్‌ఆర్‌'.. ఇంకా ఏ చిత్రాలు వస్తున్నాయంటే?
