మెగాస్టార్ చిరంజీవి ప్రధాన పాత్రలో సురేందర్‌ రెడ్డి దర్శకత్వంలో తెరకెక్కిన సినిమా 'సైరా నరసింహారెడ్డి'. ఉయ్యాలవాడ నరసింహారెడ్డి జీవితం ఆధారంగా భారీ బడ్జెట్తో రూపొందుతోంది ఈ చిత్రం. నయనతార కథానాయిక. మెగాపవర్ స్టార్ రామ్చరణ్ నిర్మాత. తాజాగా ఈ సినిమాకు సంబంధించిన లేటెస్ట్ అప్డేట్ విడుదల చేసింది చిత్రబృందం.
రేపు సాయంత్రం 3.45 గంటలకు 'సైరా' మేకింగ్ వీడియో ప్రేక్షకుల ముందుకు రానుంది. ఇప్పటికే షూటింగ్ పూర్తి చేసుకున్న ఈ చిత్రం... నిర్మాణానంతర కార్యక్రమాల్లో బిజీగా ఉంది.
తెలుగుతో పాటు హిందీ, కన్నడ, తమిళం సహా ప్రపంచవ్యాప్తంగా అక్టోబర్ 2న విడుదలకానుంది. అందుకు తగ్గట్టే భారీ ఎత్తున ప్రమోషన్స్ ప్లాన్ చేస్తోంది చిత్ర యూనిట్. మెగాస్టార్ పుట్టినరోజైన ఆగస్టు 22న మరో సర్ప్రైజ్ ఇచ్చే అవకాశం ఉంది. అమితాబ్ బచ్చన్, విజయ్ సేతుపతి, సుదీప్, జగపతిబాబు, అనుష్క వంటి భారీ తారాగణం ఈ సినిమాలో నటించారు.
ఇవీ చూడండి.. సాహో వీడియో గేమ్ విడుదల తేదీ ఖరారు
