బాలీవుడ్ యువ హీరో సుశాంత్ సింగ్ రాజ్పుత్ అకాల మరణం అభిమానుల్ని ఆవేదనకు గురిచేసింది. ఎంతో కెరీర్ను ముందరుంచుకుని ఆత్మహత్య చేసుకోవడం పట్ల సినీ ప్రియులు విచారం వ్యక్తం చేశారు. ఈ సమయంలో అతడు నటించిన సినిమాలను గుర్తు చేసుకున్నారు. సుశాంత్ చివరి చిత్రం ఇంకా విడుదల కాలేదు. ఫలితంగా ఈ మూవీ ఎప్పుడు విడుదలవుతుందా అని ప్రేక్షకులు ఎదురుచూస్తున్నారు. దీనిపై ఎట్టకేలకు ఓ స్పష్టత వచ్చింది.
సుశాంత్ చివరగా నటించిన 'దిల్ బెచారా' చిత్రాన్ని వచ్చే నెల (జులై) 24న విడుదల చేయబోతున్నట్లు చిత్రబృందం తెలిపింది. లాక్డౌన్ కారణంగా థియేటర్లు తెరుచుకునే అవకాశం లేకపోవడం వల్ల ఓటీటీ ప్లాట్ఫాంలో రిలీజ్ చేస్తున్నట్లు తెలిపారు. డిస్నీ హాట్స్టార్లో ఈ సినిమాను విడుదల చేస్తున్నట్లు వెల్లడించారు. ఈ చిత్రం అందరికీ ఉచితంగా అందుబాటులో ఉంటుందని హీరోయిన్ సంజనా సంఘి పేర్కొన్నారు.
- " class="align-text-top noRightClick twitterSection" data="
">
