బాలీవుడ్ నటి రియా చక్రవర్తి, దర్శకనిర్మాత మహేశ్భట్లకు సంబంధించిన వాట్సప్ చాటింగ్ అంటూ సోషల్మీడియాలో కొన్ని చిత్రాలు వైరల్ అవుతున్నాయి. ఆమె ప్రియుడు, దివంగత నటుడు సుశాంత్సింగ్ రాజ్పుత్ను రియా విడిచిపెట్టిన విషయాన్ని ఆ దర్శకుడికి తెలియజేసినట్లు సందేశాల ద్వారా తెలుస్తోంది.
సుశాంత్, రియాల ప్రేమవ్యవహారంతో హీరోయిన్ తండ్రి సంతోషంగా లేరని మహేశ్భట్ చేసిన చాటింగ్ ద్వారా తెలుస్తోంది. అదే విధంగా సుశాంత్కు వ్యతిరేకంగా దర్శకుడు హెచ్చరించాడని సంభాషణ సూచిస్తోంది. రియా, మహేశ్భట్ల చాటింగ్కు సంబంధించిన స్క్రీన్షాట్లు అంటూ రెండు ఫొటోలు గురువారం నుంచి సామాజిక మాధ్యమాల్లో వైరల్గా మారాయి.
నటి రియా, మహేశ్ భట్ వాట్సప్ చాటింగ్ వైరల్! నటి రియా, మహేశ్ భట్ వాట్సప్ చాటింగ్ వైరల్! వైరల్ అయిన స్క్రీన్షాట్ల ప్రకారం:
రియా: సార్.. హృదయంలో కొంత ఉపశమనంతో ఈషా మూవ్ ఆన్ అయింది. మీతో మాట్లాడిన చివరి కాల్ నాలో కొత్తదనాన్ని తెచ్చింది. మీరే నా దేవదూత. అప్పుడు, ఇప్పుడు నా వెన్నంటే ఉన్నారు. (2018లో మహేశ్భట్ నిర్మించిన జలేబీ చిత్రంలో రియా పేరు ఈషా)
భట్: వెనక్కి తిరిగి చూడవద్దు. అనివార్యం అనుకున్నది సాధ్యం చేసి చూపించు. మీ తండ్రి చాలా సంతోష పడతాడు.
రియా: నాలో కొంత ధైర్యం వచ్చింది. ఆ రోజు మా నాన్న గురించి మీరు ఫోన్లో చెప్పిన మాటల వల్ల నేను బలంగా ఉన్నా. మా నాన్న చాలా సంతోషంగా ఉన్నాడు. మీకు ప్రత్యేక ధన్యవాదాలు.
భట్: నువ్వు నా బిడ్డ లాంటి దానివే. నాకూ ఇప్పుడు తేలికగా అనిపిస్తుంది.
రియా: నాకు మాటలు రావడం లేదు సార్.
ఈ సంభాషణ మొత్తం చూస్తుంటే రియా చాలా ఆనందంగా ఉన్నట్లు తెలుస్తోంది. మహేశ్ భట్ను ఉద్దేశిస్తూ..'ఐ లవ్యూ మై బెస్ట్ మ్యాన్. మీరు గర్వించే విధంగా చేస్తా' అని రియా సందేశాన్ని పంపింది.
నటి రియా చక్రవర్తి ప్రియుడు సుశాంత్సింగ్ రాజ్పుత్ జూన్ 14న తన నివాసంలో అనుమానస్పదంగా మృతి చెందాడు. హీరో మృతిపై పలు అనుమాలను రేకెత్తిస్తున్న క్రమంలో సీబీఐ దర్యాప్తు చేపట్టాలని సుశాంత్ తండ్రి కేకే సింగ్ బిహార్ ప్రభుత్వాన్ని అభ్యర్థించగా.. ఆ రాష్ట్ర ప్రభుత్వం అందుకు అనుమతించింది. మరోవైపు కేసును పట్నా నుంచి ముంబయికి బదిలీ చేయాలని నటి రియా దాఖలు చేసిన పిటిషన్పై వాదనలు విన్న సుప్రీంకోర్టు.. సుశాంత్ మృతి వెనకున్న రహస్యాన్ని తెలుసుకోవడానికి సీబీఐ దర్యాప్తుకు ఆదేశించింది.
