కోలీవుడ్ స్టార్ హీరో సూర్య.. ప్రస్తుతం 'సూరరై పొట్రు' అనే సినిమాలో నటిస్తున్నాడు. ఫస్ట్లుక్ను ఆదివారం విడుదల చేసింది చిత్రబృందం. తెలుగులో 'ఆకాశం నీ హద్దురా' అనే టైటిల్ ఖరారు చేశారు. వచ్చే ఏడాది వేసవిలో ప్రేక్షకుల ముందుకు తెస్తున్నట్లు ప్రకటించారు.
సూర్య.. మారా అనే పాత్రలో కనిపించనున్నాడు. ఎయిర్ డెక్కన్ సృష్టికర్త కెప్టెన్ జీఆర్ గోపీనాథ్ జీవితం ఆధారంగా ఈ చిత్రం తీస్తున్నారు. అపర్ణా బాలమురళి హీరోయిన్. జాకీష్రాఫ్, పరేశ్ రావల్, మోహన్బాబు కీలక పాత్రలు పోషిస్తున్నారు.
జీవీ ప్రకాశ్ సంగీతమందిస్తున్నాడు. 'గురు' ఫేమ్ సుధా కొంగర దర్శకత్వం వహిస్తోంది. 2డీ ఎంటర్టైన్మెంట్స్ పతాకం సూర్య నిర్మిస్తున్నాడు.
సూర్య గత చిత్రాలు 'ఎన్జీకే', 'బందోబస్తు'.. బాక్సాఫీస్ వద్ద విఫలమయ్యాయి. ఈ సినిమాతో మళ్లీ ఫామ్లోకి రావాలని చూస్తున్నాడు. ఇది పూర్తయిన వెంటనే 'ఖైదీ' ఫేమ్ లోకేశ్ కనకరాజ్తో పనిచేయనున్నాడని సమచారం.
ఇది చదవండి: విభిన్న పాత్రల కథానాయకుడు 'సూర్య'.. పుట్టినరోజు ప్రత్యేకం
