సూపర్స్టార్ మహేశ్బాబు మరోసారి 6 మిలియన్ల క్లబ్లో చేరిపోయారు. తన ఇన్స్ట్రాగ్రామ్ అకౌంట్ ద్వారా ఈ ఫీట్ అందుకున్నారు. కొన్నిరోజులుగా ప్రిన్స్ సామాజిక మాధ్యమాల్లో చురుగ్గా ఉంటున్నారు. సినిమా అప్డేట్లనూ ఈ వేదికల ద్వారానే వెల్లడిస్తున్నారు.
ఇప్పటికే మహేశ్కు ట్విట్టర్లోనూ మంచి ఆదరణ ఉంది. 10.9 మిలియన్ల అనుచరులతో అత్యధిక ఫాలోవర్లు కలిగిన దక్షిణాది నటుడిగా ఇప్పటికే మహేశ్ పేరిట రికార్డు నమోదైంది.
ఇటీవలే సూపర్స్టార్ మహేశ్బాబు కొత్త సినిమా 'సర్కారు వారి పాట' లాంఛనంగా ప్రారంభమైంది. ఆయన కుమార్తె సితార క్లాప్ కొట్టగా, సతీమణి నమ్రత కెమెరా స్విచాన్ చేశారు. జనవరి తొలివారం నుంచి షూటింగ్ ప్రారంభించనున్నారు. ఈ సినిమాకు కీర్తి సురేశ్ హీరోయిన్. పరశురామ్ దర్శకుడు. తమన్ సంగీతం సమకూర్చనున్నారు. 14 రీల్స్ ప్లస్, మైత్రీ మూవీ మేకర్స్, జీఎంబీ ఎంటర్టైన్మెంట్స్ సంయుక్తంగా నిర్మిస్తున్నాయి. బ్యాంకు మోసాల నేపథ్య కథాంశంతో ఈ చిత్రాన్ని రూపొందిస్తున్నట్లు వార్తలు వస్తున్నాయి.
