కౌన్ బనేగా కరోడ్పతి-12వ సీజన్కు సంబంధించిన ప్రోమో చిత్రీకరణ అన్ని జాగ్రత్తలతో పూర్తయిందని బిగ్బీ అమితాబ్ బచ్చన్ చెప్పారు. దీంతో పాటు కరోనా కట్టడిలో భాగంగా సామాజిక సందేశాన్ని చాటే వీడియోలను రూపొందించినట్లు తెలిపారు. ఈ విషయాన్ని తన అధికారిక బ్లాగ్లో పోస్ట్ చేశారు. అయితే రెండు రోజుల్లో జరగాల్సిన ఈ షూటింగ్ను, కేవలం ఒక్కరోజులోనే పూర్తి చేసినట్లు వెల్లడించారు.
కేబీసీ 12వ సీజన్కు హోస్ట్గా వ్యవహించనున్నారు అమితాబ్. ఈ కార్యక్రమంలో పాల్గొనే వారి ఎంపిక ప్రక్రియ.. లాక్డౌన్ కారణంగా పూర్తిగా ఆన్లైన్లో నిర్వహిస్తున్నారు. అయితే కరోనా ప్రభావం తీవ్రమవుతున్న నేపథ్యంలో షోను ఎలా నిర్వహిస్తారనే విషయం గురించి నాకు ఇంకా తెలియదని బిగ్బీ అన్నారు. అయితే రిజిస్ట్రేషన్ ప్రోమోలో అమితాబ్ బచ్చన్ ఇంట్లోనే ఉండి నటించగా, దర్శకుడు నితీశ్ తివారి వేరోచోట ఉండి మార్గనిర్దేశనం చేశారు.
