RRR movie Alia bhatt: 'ఆర్ఆర్ఆర్' సినిమాలో రామ్చరణ్, ఎన్టీఆర్ హీరోలుగా నటిస్తున్నారు. జనవరి 7న చిత్రం థియేటర్లలోకి రానుంది. ఇప్పటికే ట్రైలర్, పోస్టర్లు రిలీజైనప్పటికీ ఆలియా భట్, అజయ్ దేవ్గణ్ పాత్రలు గురించి ఎవరికీ పెద్దగా తెలియదు. అయితే వారి పాత్రలు, వాటి నిడివిపై డైరెక్టర్ రాజమౌళి క్లారిటీ ఇచ్చారు.
అజయ్ దేవ్గణ్, ఆలియా భట్ పాత్రలు, వాటి నిడివి గురించి?
రాజమౌళి: నిడివిపై పాత్ర ప్రాముఖ్యం ఆధారపడదు. ఇందులో అజయ్ దేవ్గమ్, ఆలియా భట్ పాత్రలు చాలా కీలకం. మీరు 'ఆర్ఆర్ఆర్'ను శరీరం అనుకుంటే, అజయ్ సర్ పాత్ర ఆత్మ. పవర్హౌస్ లాంటి ఇద్దరు హీరోలు ఉన్నప్పుడు వారిని బ్యాలెన్స్ చేసే ఓ వ్యక్తి కావాలి. అలాంటి సీత రోల్లో ఆలియా భట్ కనిపించనుంది. ఈ ఇద్దరూ అతిథి పాత్రలు పోషించారు. ఈ విషయంలో నేను ప్రేక్షకుల్ని మోసం చేయాలని అనుకోలేదు. పాత్రల ఇంపార్టెన్స్ విషయానికొస్తే కొన్నిసార్లు హీరోల కంటే ఆలియా, అజయ్ దేవ్గణ్ పాత్రలే కీలకమైనవి.
దాదాపు రూ.450 కోట్లతో నిర్మించిన ఈ భారీ బడ్జెట్ సినిమాలో రామ్చరణ్ అల్లూరి సీతారామరాజుగా, ఎన్టీఆర్ కొమరం భీమ్గా నటించారు. ఆలియా భట్, ఒలీవియా మోరిస్ హీరోయిన్లుగా నటించారు. అజయ్ దేవ్గణ్, సముద్రఖని, శ్రియ తదితరులు కీలకపాత్రలు పోషించారు. కీరవాణి సంగీతమందించారు. రాజమౌళి దర్శకత్వం వహించారు. డీవీవీ దానయ్య నిర్మాతగా వ్యవహరించారు.
- " class="align-text-top noRightClick twitterSection" data="">
ఇవీ చదవండి:
