హీరోయిన్ శ్రుతిహాసన్ చాలా రోజుల తర్వాత మళ్లీ తెలుగులో నటించనుంది. చివరసారిగా 'కాటమరాయుడు'లో కనిపించిన ఈ భామ.. రవితేజ కొత్త సినిమాలో హీరోయిన్గా అవకాశం దక్కించుకుంది. ఈ విషయాన్ని ధ్రువీకరిస్తూ దర్శకుడు గోపీచంద్ మలినేని ట్వీట్ చేశాడు. "మల్టీ టాలెంటెడ్ నటి శ్రుతిహాసన్కు స్వాగతం" అంటూ రాసుకొచ్చాడు.
ఈ సినిమాలో మాస్ మహారాజా రవితేజ.. పోలీస్ అధికారిగా నటిస్తున్నాడు. ఇటీవలే అధికారికంగా ప్రకటించారు. ఇదే దర్శకుడితో 'డాన్శీను', 'బలుపు' వంటి సినిమాలు చేశాడీ హీరో. ఈ చిత్రాన్ని బి.మ‌ధు నిర్మిస్తున్నారు. వచ్చే నెలలో లాంఛనంగా ప్రారంభించనున్నారు. పూర్తి వివ‌రాల‌ను త్వ‌ర‌లోనే వెల్లడించనున్నారు.
ఇది చదవండి: పోలీస్ దుస్తుల్లో హీరో రవితేజ ఐదోసారి..!
