బాద్షా షారుక్ ఖాన్- విభిన్న చిత్రాల దర్శకుడు సంజయ్ లీలా భన్సాలీ కాంబోలో 20 ఏళ్ల క్రితం తెరకెక్కిన చిత్రం 'దేవదాస్'. ఈ సినిమా తర్వాత వీరిద్దరూ కలిసి మళ్లీ పనిచేయలేదు. ప్రస్తుతం వీరి కాంబినేషన్‌లో 'ఇజార్' అనే ప్రేమకథా చిత్రం కోసం చర్చలు జరుగుతున్నాయని వార్తలొస్తున్నాయి.
ఈ కథను నాలుగేళ్ల కిందటే షారుక్తో కలిసి చేయాలనుకున్నారట సంజయ్. ప్రేయసి కోసం ఇండియా నుంచి నార్వేకు సైక్లింగ్ చేసిన వ్యక్తి నిజ జీవిత ఆధారంగానే భన్సాలీ ఈ కథను తయారు చేసుకున్నారని సమాచారం. ఇందులో షారుక్ ప్రేమ కోసం నార్వే వరకు సైక్లింగ్ చేసే పాత్రలో కనిపించనున్నారట. దర్శకుడు సంజయ్ ప్రస్తుతం స్క్రిప్ట్ వర్క్ చేస్తున్నారట.
అయితే ఈ కథకు షారుక్ అంగీకరిస్తారో! లేదో తెలియాల్సిఉంది. ప్రస్తుతం సంజయ్.. సోనాక్షి సిన్హా ప్రధాన పాత్రలో నటిస్తున్న 'హీరా మండి' అనే వెబ్‌ సీరీస్‌ చిత్రాన్ని తెరకెక్కించే పనిలో ఉన్నారు. ఇక షారుక్ ఖాన్ కూడా 'పఠాన్‌' చిత్రంతో బిజీగా ఉన్నారు. సిద్ధార్థ్ ఆనంద్ దర్శకత్వంలో తెరకెక్కతున్న ఈ చిత్రంలో దీపికా పదుకొణె కథానాయికగా నటిస్తుండగా జాన్‌ అబ్రహం ప్రతినాయకుడిగా నటిస్తున్నారు.
ఇదీ చూడండి: మెల్లామెల్లగా వచ్చిందే.. వచ్చి మనసులు దోచిందే!
