టాలీవుడ్ స్టార్ కపుల్స్లో హీరో శ్రీకాంత్, ఊహ జోడి ప్రత్యేకం. 'ఆమె' సినిమా షూటింగ్లో ప్రారంభమైన వీరిద్దరి పరిచయం.. కొన్నేళ్లకే ప్రణయానికి దారి తీసింది. వారిద్దరూ వివాహబంధంలో అడుగుపెట్టి నేటి(జనవరి 20)తో 24 వసంతాలు పూర్తయ్యింది. ఈ సందర్భంగా పెళ్లికి ముందు తన భార్యను తొలిసారి చూసినపుడు ఎలాంటి ఫీలింగ్ కలిగిందో? శ్రీకాంత్ మాటల్లోనే తెలుసుకుందాం.
"ఆమె' సినిమా కోసం మేమిద్దరం తొలిసారి కలిసి పనిచేశాం. అయితే ఆ లేడీ ఓరియంటెడ్ మూవీకి ఎవరైన పాపులర్ హీరోయిన్ను ఎంపిక చేస్తారని నేను అనుకున్నా. కానీ, ఒకరోజు ఊహ షూటింగ్ సెట్లో అడుగుపెట్టింది. ఆమెను చూడడం అదే తొలిసారి. ఊహను చూసిన వెంటనే.. 'ఇంత లావుగా ఉంది ఏంట్రా?' అనుకున్నా. ఆ సినిమాతో మా ఇద్దరి మధ్య పరిచయం ఏర్పడింది. ఆ తర్వాత మేము నాలుగు సినిమాలు చేశాం. అలా మా ఇంట్లో జరిగే ఫంక్షన్లకు ఊహతో పాటు ఆమె కుటుంబసభ్యులను పిలవడం.. మా ఇంట్లో వాళ్లకు పరిచయం చేయడం చేశా. ఆ తర్వాత పెళ్లి చేసుకున్నా" అని శ్రీకాంత్ తెలిపారు.
- " class="align-text-top noRightClick twitterSection" data="">
ఇదీ చూడండి: అభిమానుల హంగామాకు రౌడీ హీరో భావోద్వేగం
