ప్రముఖ సినీనటుడు సోనూసూద్.. రచయితగా కొత్త అవతారం ఎత్తనున్నారు. 'లైఫ్ ఛేంజింగ్' అనే పుస్తకాన్ని రాయనున్నట్లు తెలిపారు. పెంగ్విన్ ర్యాండమ్ హౌస్ ఇండియా.. ఈ పుస్తకాన్ని ప్రచురించనుందని వెల్లడించారు.
కరోనా కారణంగా లాక్డౌన్లో ఇరుక్కుపోయిన ఎంతో మంది వలస కూలీలను ప్రత్యేక బస్సుల ద్వారా తమ స్వస్థలాలకు చేరవేశారు సోనూ. అయితే ఈ ప్రయాణంలో వారితో ఏర్పడిన బంధం ఓ అందమైన అనుభూతినిచ్చిందని తెలిపారు. ఎన్నో అనుభవాలను నేర్పిందని వెల్లడించారు. వీటన్నింటికీ అక్షర రూపాన్నిచ్చి 'లైఫ్ ఛేంజింగ్' పేరుతో పుస్తకాన్ని రాయనున్నట్లు తెలిపారు.
- " class="align-text-top noRightClick twitterSection" data="View this post on Instagram
मुझे छाँव में रखा ख़ुद चलता रहा धूप में। मैंने देखा एक फ़रिश्ता मेरे पिता के रूप में। ❣️
">
"గత మూడున్నర నెలలుగా వలస కార్మికులతో రోజుకు 16 నుంచి 18 గంటలు గడుపుతూ, వారి బాధలను పంచుకుంటున్నాను. ఈ క్రమంలో నా జీవితంలో ఎంతో మార్పు వచ్చింది. వారిని తమ స్వస్థలాలకు చేరుస్తుండటం నా మనసుకు ఎంతో సంతోషాన్ని ఇచ్చింది. వారి ముఖాల మీద నవ్వు, ఆనందబాష్పాలు నా జీవితంలోనే ఓ ప్రత్యేకమైన అనుభూతి. అయితే ఈ ప్రయాణంలో ఎదురైన అనుభవాలన్నింటినీ ఓ పుస్తకంగా రాస్తున్నాను. చిట్టచివరి వలస కూలీ తన స్వగ్రామానికి చేరే వరకు ఈ కార్యక్రమాన్ని కొనసాగిస్తానని ప్రతిజ్ఞ చేస్తున్నాను. "
-సోనూసూద్, ప్రముఖ నటుడు.
ఇప్పటికే వేలాది మంది కూలీలను ప్రత్యేక బస్సుల ద్వారా వారి స్వరాష్ట్రాలకు తరలించారు సోనూసూద్. గత నెలలో ఏకంగా ఓ విమానం ద్వారా 300 మంది కూలీలను వారి ఇళ్లకు చేర్చారు. దీంతోపాటు పంజాబ్లోని ఓ వైద్యబృందానికి పీపీఈ కిట్లను విరాళంగా ఇచ్చారు.
ఇది చూడండి : 400 పేద కుటుంబాలకు అండగా సోనూసూద్
