సినిమా అంటే భాగ్యనగరమేనా..!

తెలుగు సినిమా అంటే కేవలం హైదరాబాద్​ మాత్రమే కాదు అంటూ తెలుగు రాష్ట్రాల్లోని వేర్వేరు ప్రదేశాల్లో చిత్రీకరించిన కొన్ని సినిమాలు మంచి విజయం సాధించాయి. మంచి ఫీల్​ గుడ్ చిత్రాలుగా పేరు సంపాదించాయి.

తెలుగు సినిమా.. ఫైట్​తో హీరో ఇంట్రడక్షన్, తొలి చూపులోనే హీరోయిన్​తో లవ్, అనంతరం డ్యూయెట్, ఇంటర్వెల్​ ఫైట్​/ట్విస్ట్​, నాలుగు కామెడీ పంచ్​లు, ఓ ఐటమ్ సాంగ్​, క్లైమాక్స్​లో భారీ పోరాటం.. ఇవన్నీ హైదరాబాద్​ బ్యాక్​డ్రాప్​లోనే జరుగుతుంటాయి. ఈ పద్ధతికి స్వస్తి చెబుతూ విభిన్న కథాకథనాలతో కొన్ని సినిమాలు దూసుకెళ్తున్నాయి. రెండేళ్లలో వచ్చిన ఇలాంటి కొన్ని చిత్రాలపై ఓ లుక్కేద్దాం!

డియర్ కామ్రేడ్​ (కాకినాడ)

మైత్రీ మూవీమేకర్స్ పతాకంపై విజయ్ దేవరకొండ, రష్మిక మందణ్న హీరోహీరోయిన్లుగా నటించిన చిత్రం 'డియర్​ కామ్రేడ్'. క్లాసిక్ లవ్​స్టోరీగా వచ్చి ప్రేక్షకులకు సందేశాన్ని అందించిందీ సినిమా. కథ దాదాపు కాకినాడ బ్యాక్​డ్రాప్​లోనే జరుగుతుంది. ప్రస్తుతం థియేటర్లలో సందడి చేస్తోన్న ఈ మూవీకి మిశ్రమం స్పందన లభిస్తోంది.

• " class="align-text-top noRightClick twitterSection" data="">

ఏజెంట్ సాయి శ్రీనివాస ఆత్రేయ (నెల్లూరు)

నెల్లూరు బ్యాక్​డ్రాప్​లో తీసిన ఈ చిత్రం.. మనుషుల ఆధ్యాత్మిక సంప్రదాయాలను అడ్డుపెట్టుకుని దారుణాలకి పాల్పడే వారి ఆటకట్టించే ఓ డిటెక్టివ్ చుట్టూ తిరుగుతుంది. నవీన్ పోలిశెట్టి నటనకు మంచి మార్కులు పడ్డాయి. ముఖ్యంగా ఎఫ్​బీఐ నెల్లూరు పేరు తెలుగునాట బాగా పాపులర్ అయింది. డీసెంట్​ థ్రిల్లర్​గా పేరు తెచ్చుకున్న ఈ చిత్రం హిట్ టాక్ తెచ్చుకుంది. సినిమా అంతా నెల్లూరు పరిసర ప్రాంతాల్లోనే చిత్రీకరించారు.

• " class="align-text-top noRightClick twitterSection" data="">

మల్లేశం (భువనగిరి)

పద్మశ్రీ పురస్కార గ్రహీత చింతకింద మల్లేశం జీవితం ఆధారంగా తీసిన చిత్రం 'మల్లేశం'. ప్రియదర్శి హీరోగా తెరకెక్కిన ఈ సినిమా విమర్శకుల ప్రశంసలు అందుకుని మంచి ఫీల్​ గుడ్ మూవీగా నిలిచింది. మల్లేశానికి ఆయన ఊరికి ఉన్న సంబంధాన్ని ఈ చిత్రం ద్వారా తెలియజేశారు. వాస్తవానికి దగ్గరగా ఉండేలా మల్లేశం గ్రామంలోనే చిత్రీకరించారు. 1990ల్లోని గ్రామీణ వాతావరణాన్ని తలపించేలా తీశారు.

• " class="align-text-top noRightClick twitterSection" data="">

కేరాఫ్ కంచరపాలెం (కంచరపాలెం)

విశాఖ జిల్లా కంచరపాలెంలో ఈ సినిమాను చిత్రీకరించారు. ఇందులో నటించిన చాలా మంది నటీనటులు ఆ ప్రాంతం వాళ్లే కావడం విశేషం. గతేడాది చిన్న సినిమాగా విడుదలై సంచలన విజయం సాధించింది. నాలుగు పాత్రల చుట్టూ చిత్ర కథ తిరుగుతుంది. ఒక్కో పాత్రను దర్శకుడు తీర్చిదిద్దిన విధానం ఆకట్టుకుంది. ఇప్పటికే పలు అంతర్జాతీయ చిత్రోత్సవాల్లో ఈ సినిమాను ప్రదర్శించారు.

• " class="align-text-top noRightClick twitterSection" data="">

ఫిదా (బాన్సువాడ)

బాన్సువాడ.. 'ఫిదా' చిత్రం రాకముందు ఈ ఊరు గురించి తెలిసిన వాళ్లు చాలా తక్కువ. శేఖర్ కమ్ముల తెరకెక్కించిన ఈ సినిమా రాకతో బాన్సువాడ పేరు తెలుగు రాష్ట్రాల్లో మారుమోగింది. 60 శాతం చిత్రాన్ని ఇక్కడే చిత్రీకరించారు. వరుణ్​తేజ్, సాయిపల్లవి హీరోహీరోయిన్లుగా నటించిన ఈ మూవీ తెలుగు నాట అఖండ విజయాన్ని సొంతం చేసుకుంది. సినిమా వచ్చి రెండేళ్లైనా ఇందులోని పాటలు ఇప్పటికీ అలరిస్తున్నాయి.

• " class="align-text-top noRightClick twitterSection" data="">

శతమానం భవతి.. (ఆత్రేయపురం)

ఆత్రేయపురం అంటే పూతరేకులకు ఫేమస్​.. కానీ 'శతమానం భవతి' చిత్రం వచ్చిన తర్వాత ఆ పాపులారిటి మరింత పెరిగింది. పచ్చని పంట పొలాలు, సెలయేళ్లతో అసలు పల్లెటూరు అంటే ఇలాగే ఉండాలి అనేంతలా ఈ సినిమాలో చూపించారు. చక్కటి కుటుంబ కథతో తెరెకెక్కిన ఈ మూవీకి ప్రేక్షకులు నీరాజనాలు పలికారు. ఉత్తమ ప్రజాదరణ పొందిన చిత్రంగా 'శతమానం భవతి' సినిమా జాతీయ పురస్కారం అందుకుంది.

• " class="align-text-top noRightClick twitterSection" data="">