ప్రపంచాన్ని వణికిస్తోన్న కరోనా ప్రభావం హాలీవుడ్‌పైనా పడింది. 'మిషన్ ఇంపాజిబుల్ 7' చిత్రబృందం ఇటలీలో మూడు వారాల షెడ్యూల్‌ని ప్లాన్‌ చేసింది. అయితే ఆ దేశంలో కరోనా (కొవిడ్-19) వైరస్ వ్యాప్తి విస్తృతంగా ఉండటం వల్ల చిత్ర నిర్మాణ సంస్థ పారామౌంట్‌ పిక్చర్స్‌ ఈ షెడ్యూల్‌ని వాయిదా వేసింది.
'మిషన్ ఇంపాజిబుల్' సిరీస్ నుంచి ఇప్పటివరకు ఆరు భాగాలు వచ్చాయి. ఏడో భాగం సెట్స్‌పై ఉంది. అన్ని భాగాల్లోనూ హీరోగా నటిస్తూ వస్తున్న టామ్‌ క్రూజ్‌ ఏడో భాగంలోనూ హీరోగా నటిస్తున్నాడు. వచ్చే ఏడాది జులై 23న ఈ చిత్రాన్ని విడుదల చేయటానికి నిర్మాణ సంస్థ సన్నాహాలు చేస్తోంది.
ఇదీ చూడండి.. 'అరణ్య' కోసం రెండేళ్ల అజ్ఞాతవాసంలో రానా
