'ఆర్ఎక్స్ 100' ఫేమ్ అజయ్ భూపతి దర్శకత్వంలో రూపొందుతోన్న కొత్త చిత్రం 'మహాసముద్రం'. ఇందులో శర్వానంద్-సిద్ధార్ధ్ ప్రధానపాత్రలు పోషిస్తున్నారు. శర్వానంద్ కెరీర్లో 'గమ్యం', 'ప్రస్థానం' తర్వాత మళ్లీ అలాంటి బలమైన పాత్రను ఈ చిత్రంలో చేస్తున్నారట. ఈ సినిమాలో శర్వా, సిద్ధార్ధ్ బ్యాడ్బాయ్స్గా నటించనున్నారని.. వారి మధ్య ఓ యాక్షన్ సన్నివేశం కూడా ఉందని సమాచారం.
ప్రేమకథ నేపథ్యంలో సాగే క్రైమ్ థ్రిల్లర్గా ఈ చిత్రాన్ని రూపొందిస్తున్నారని టాలీవుడ్ వర్గాలు అంటున్నాయి. ఇటీవలే తొలి షెడ్యూల్ పూర్తి చేసుకున్న 'మహాసముద్రం'.. త్వరలోనే రెండో షెడ్యూల్ను సెట్స్పైకి తీసుకెళ్లనున్నారు. తెలుగు-తమిళ భాషల్లో ఏకకాలంలోనే సినిమాను రూపొందిస్తున్నారు.
ఇదీ చూడండి: బాబాయ్-అబ్బాయ్లతో శంకర్ భారీ మల్టీస్టారర్!
