'కొత్త సినిమా ప్రకటించకుంటే ఆత్మహత్య చేసుకుంటాం'

బాలీవుడ్​ స్టార్ హీరో షారుక్​ ఖాన్..​ తన అభిమానుల నుంచి ఓ వింత సందేశాన్ని అందుకున్నాడు. ఈ హీరో తెరపై కనిపించి ఏడాది అవుతోంది. ఇప్పటివరకు కొత్త ప్రాజెక్టు ప్రకటించలేదు. ఈ కారణంగా నిరుత్సాహానికి గురైన అభిమానులు.. తదుపరి చిత్రం ప్రకటించకుంటే ఆత్మహత్య చేసుకుంటామని సామాజిక మాధ్యమాల్లో పోస్ట్ చేశారు.

బాలీవుడ్ బాద్​షా షారుఖ్​ ఖాన్.. 'జోరో' గతేడాది డిసెంబరులో విడుదలైంది. ప్రేక్షకులను ఆకట్టుకోవడంలో విఫలమైంది. ఫలితంగా తన తర్వాతి ప్రాజెక్టు విషయంలో జాగ్రత్త పడుతున్నాడీ హీరో. అయితే ఓ అభిమాని మాత్రం షారుక్..​ తన కొత్త చిత్రాన్ని జనవరి 1న ప్రకటించకుంటే ఆత్మహత్య చేసుకుంటానని ట్విట్టర్​లో సందేశం పంపాడు.

'సినిమా ఎప్పుడో ప్రకటించకుంటే ఆత్మహత్య చేసుకుంటాం'

షారుక్​ ఎప్పడెప్పుడు తీపి కబురు చెబుతాడా అని ఎదురుచూస్తున్న అభిమానులకు ఈ ఏడాది నిరాశే మిగిలింది. 'జోరో' చిత్రం పరాజయం చవిచూడగా, అప్పటి నుంచి బాద్​షా సినిమాలకు దూరంగా ఉన్నాడు. ఫలితంగా ఆభిమానులు "వుయ్ వాంట్​ అనౌన్స్​మెంట్​ ఎస్​ఆర్​కే" అనే హ్యాష్​ట్యాగ్​తో ట్విట్టర్​లో పోస్టులు పెడుతున్నారు.

'సినిమా ఎప్పుడో ప్రకటించకుంటే ఆత్మహత్య చేసుకుంటాం'

"జనవరి 1న మీరు తర్వాత చిత్రాన్ని ప్రకటించకుంటే నేను ఆత్మహత్య చేసుకుంటా. మరోసారి చెబుతున్నా ఆత్మహత్య చేసుకుంటా"
- ట్విట్టర్​లో ఓ అభిమాని

'సినిమా ఎప్పుడో ప్రకటించకుంటే ఆత్మహత్య చేసుకుంటాం'

" ఖాన్​ సాబ్​ 'జీరో' వచ్చి ఏడాదవుతోంది. అప్పటి నుంచి మాకు ఎలాంటి ఉత్సాహం లేదు. ఇప్పటికైనా మీరు అభిమానులకు తీపి కబురు చెబుతారని ఆశిస్తున్నా. సినీ పరిశ్రమకే మీరో ప్రత్యేక ఆకర్షణ."
- మరో అభిమాని

'సినిమా ఎప్పుడో ప్రకటించకుంటే ఆత్మహత్య చేసుకుంటాం'

బాలీవుడ్ బాద్​షా తదుపరి చిత్రం కోసం అభిమానులు ఎంతో ఆసక్తితో ఎదురుచూస్తున్నారు. అయితే ఇతడి తర్వాతి సినిమా తమిళ దర్శకుడు అట్లీ, తెలుగు దర్శక ద్వయం రాజ్​-డీకేలలో ఎవరో ఒకరితో ఉండొచ్చని వార్తలు వస్తున్నాయి. వీటిపై ఇప్పటికీ ఎలాంటి అధికారిక ప్రకటన రాలేదు. మరి అభిమానులకు షారుక్ తీపి కబురు ఎప్పుడు చెప్తాడో వేచి చూడాల్సిందే.

ఇదీ చదవండి: వేసవిలో మెగా మేనల్లుడి 'ఉప్పెన'!