'సరిలేరు నీకెవ్వరు' సినిమా ఆంథమ్ వచ్చేసింది. ఈ పాట తనకు చాలా నచ్చిందని అగ్ర కథానాయకుడు మహేశ్‌బాబు ట్వీట్‌ చేశాడు. దేవిశ్రీ ప్రసాద్ చక్కటి సంగీతం అందించాడని, ఈ పాట వ్యక్తిగతంగా తన హృదయానికి చేరువైందని అన్నాడు. సైనికుల విలువ, వారి త్యాగాల్ని గుర్తు చేస్తూ రూపొందించిన ఈ పాట నిజంగా మనసులు కదిలించే విధంగా ఉంది.
"మారణాయుధాలు ఎన్ని ఎదురైనా.. ప్రాణాన్ని ఎదురు పంపేవాడు.. ఒకడే ఒకడు వాడే సైనికుడు.." అంటూ సాగుతోన్న సాహిత్యం ఆకట్టుకుంటోంది. ఈ పాట కోసం దేవిశ్రీ యూరప్‌ వెళ్లి అక్కడి కళాకారులతో కలిసి సంగీతాన్ని కంపోజ్‌ చేశాడు. శంకర్‌ మహదేవన్‌ గాత్రం పాటను మరోస్థాయికి తీసుకెళ్లింది.
- " class="align-text-top noRightClick twitterSection" data="">
'మహర్షి' తర్వాత మహేశ్ నటిస్తున్న సినిమా 'సరిలేరు నీకెవ్వరు'. అనిల్ రావిపూడి దర్శకుడు. రష్మిక కథానాయిక. విజయశాంతి, రాజేంద్ర ప్రసాద్, ప్రకాశ్‌రాజ్‌, సత్యదేవ్‌, నరేష్‌, సంగీత, వెన్నెల కిశోర్‌ కీలక పాత్రలు పోషిస్తున్నారు. అనిల్ సుంకర, దిల్‌రాజు, మహేశ్‌బాబు నిర్మిస్తున్న ఈ చిత్రం జనవరి 11న ప్రేక్షకుల ముందుకు రానుంది.
ఇవీ చూడండి.. హాలీవుడ్‌ యాక్షన్‌ కొరియోగ్రాఫర్లతో నాగ్..!
