'అర్జున్ రెడ్డి' చిత్రం విడుదలై రెండేళ్లు దాటింది. ఈ సినిమా దర్శకుడు సందీప్ రెడ్డి వంగా తర్వాతి చిత్రం ఏంటా.. అని ప్రస్తుతం అందరి మదిలో మెదులుతున్న ప్రశ్న. వీటికి చెక్ పెడుతూ త్వరలోనే ఓ సినిమాను తెరకెక్కించనున్నాడు సందీప్. టీ-సిరీస్ అధినేత భూషణ్కుమార్, మురాద్ ఖేతాని ఈ చిత్రానికి నిర్మాతలుగా వ్యవహరించనున్నారు.
ఇంకా టైటిల్ నిర్ణయించని ఈ సినిమా నిర్మాణంలో సందీప్ కూడా భాగస్వామి కానున్నాడు. అయితే చిత్రం హిందీలో తెరకెక్కుతుందా, తెలుగులోనూ వస్తుందా అనేది తెలియాల్సి ఉంది. ఇందులో నటించబోయే నటీనటులను త్వరలో ప్రకటించనుంది చిత్రబృందం.
అర్జున్ రెడ్డి తర్వాత ఇదే సినిమాను హిందీలో షాహిద్ కపూర్ హీరోగా 'కబీర్ సింగ్' పేరుతో తెరకెక్కించి ఘనవిజయాన్ని అందుకున్నాడు దర్శకుడు సందీప్ రెడ్డి వంగా.
ఇదీ చదవండి: కియారా అడ్వాణీ ట్విట్టర్ ఖాతా హ్యాక్
