విభిన్న చిత్రాలు చేస్తూ వరుస హిట్లతో దూసుకుపోతోంది హీరోయిన్ సమంత. ఈ ఏడాది ఇప్పటికే 'మజిలీ', 'ఓ బేబీ' సినిమాలతో విజయాల్ని అందుకుంది. త్వరలో అమెజాన్ ప్రైమ్ నిర్మించనున్న వెబ్ సిరీస్లో నటించనుందని సమాచారం. దీనితో పాటు మరో ఫ్రెంచ్ సినిమాను రీమేక్ చేసేందుకు ఆసక్తి చూపుతోంది.
ఈ ఫ్రెంచ్ కామెడీ రీమేక్లో సమంత హీరోయిన్గా నటించనుంది. 'ఓ బేబీ'ను తెరకెక్కించిన నందిని రెడ్డి ఈ చిత్రానికీ దర్శకత్వం వహించే అవకాశముంది. సురేశ్ ప్రొడక్షన్స్ పతాకంపై సురేశ్ బాబు నిర్మాతగా వ్యవహరించనున్నారు.
ఇక వెబ్సిరీస్ విషయానికొస్తే ఓ ఆసక్తికరమైన కాన్సెప్ట్‌తో రూపొందించనున్నారు. ప్రస్తుతం ఇంకా చర్చల దశలోనే ఉందని సమాచారం. ఈ విషయంపై స్పష్టత రావడానికి మరి కొద్ది రోజులు ఎదురుచూడక తప్పదు.
వీటికంటే ముందు '96' తెలుగు రీమేక్లో నటించనుంది సమంత. హీరో శర్వానంద్ గాయం కారణంగా కొన్ని రోజులు షూటింగ్కు దూరమయ్యాడు. త్వరలో చిత్రీకరణ ప్రారంభం కానుంది.
ఇది చదవండి: ఐదుగురు అమ్మాయిల 'గ్యాంగ్లీడర్' నాని
- " class="align-text-top noRightClick twitterSection" data="">
