Samantha Varun Dhawan: విడాకుల అనంతరం సినిమాల విషయంలో స్పీడ్‌ పెంచారు అగ్రకథానాయిక సమంత. దక్షిణాదితోపాటు బాలీవుడ్ ప్రాజెక్ట్‌లకూ ఆమె పచ్చజెండా ఊపేస్తున్నారు. ఇందులో భాగంగానే ఇటీవల ఆమె ఎక్కువగా ముంబయిలో దర్శనమిస్తున్నారు. భవిష్యత్తు ప్రాజెక్ట్‌లకు సంబంధించి పలువురు దర్శకులతో చర్చిస్తున్నారు. ఈ క్రమంలోనే శుక్రవారం సాయంత్రం దర్శకులు రాజ్‌ అండ్‌ డీకేలను సమంత కలిశారు. 'ఫ్యామిలీమేన్‌-2' సిరీస్‌తో తనకు మంచి గుర్తింపు ఇచ్చిన వీరిద్దరిని కలిసి మాట్లాడారు. అయితే ఈ మీటింగ్‌లో సమంతతోపాటు బాలీవుడ్ వరుణ్ ధావన్ కూడా పాల్గొన్నారు.
అనంతరం సమంత-వరుణ్ ధావన్ బయటకు రాగానే ఫొటోగ్రాఫర్లు, అభిమానులు వారిని చుట్టుముట్టారు. ఫొటోలు తీసుకునేందుకు ఎగబడ్డారు. "సమంత.. సమంత.." అంటూ కేకలు వేశారు.
దీంతో అక్కడే ఉన్న వరుణ్.. "సమంత భయపడిపోతుంది.. ఆమెను ఎందుకు భయపెడుతున్నారు" అంటూ ఆమెను అక్కడి నుంచి తీసుకువెళ్లి కారు ఎక్కించారు.
దీనికి సంబంధించిన వీడియో నెట్టింట్లో చక్కర్లు కొడుతోంది. అది చూసిన నెటిజన్లు.. "వరుణ్-సమంత కలిసి సినిమా చేస్తున్నారా?", "రాజ్‌ డీకేలతో వీళ్లిద్దరూ కొత్త సిరీస్‌ చేస్తున్నారా?" అంటూ కామెంట్లు పెడుతున్నారు.
- " class="align-text-top noRightClick twitterSection" data="
">
ఇదీ చూడండి: అవార్డ్స్ ఫంక్షన్లో సమంత బోల్డ్ షో!
