స్టార్ హీరోయిన్ సమంత నటించిన తొలి వెబ్ సిరీస్ 'ద ఫ్యామిలీ మ్యాన్ 2'. ఈ ఏడాది ఫిబ్రవరిలోనే విడుదల కావాల్సినప్పటికీ, కొన్ని కారణాల వల్ల వాయిదా పడింది. అయితే జూన్ 11 నుంచి ఈ సిరీస్, అమెజాన్ ప్రైమ్లో స్ట్రీమింగ్ కానుందని సమాచారం. ఇటీవల ఓ ఇంటర్వ్యూలో పాల్గొన్న దర్శక ద్వయం రాజ్-డీకే.. సమంత పాత్ర గురించి ఆసక్తికర విషయాల్ని పంచుకున్నారు. ఆమె రోల్ ప్రేక్షకులను షాక్కు గురిచేస్తుందని తెలిపారు.
"ఇందులో సమంత బోల్డ్ పాత్రలో కనిపించనుంది. అయితే ఇలాంటి రోల్లో నటించేందుకు సమంత ఒప్పుకొంటుందా లేదా అని కొంచెం సంశయించాం. కానీ కథ చెప్పగానే ఆమె చాలా ఎగ్జయిట్ అయి, చేస్తాననిచెప్పింది. ఈ సిరీస్లోని ఆమె పాత్ర కచ్చితంగా మిమ్మల్ని ఆశ్చర్యపరుస్తుంది" అని రాజ్-డీకే చెప్పారు.
ఎన్ఐఏలో సీక్రెట్ ఏజెంట్ శ్రీకాంత్.. ఉగ్రవాదుల మధ్య జరిగే కథతో 'ద ఫ్యామిలీ మ్యాన్' వెబ్ సిరీస్ తీశారు. 2019లో వచ్చిన తొలి సీజన్ ప్రేక్షకుల మనసులు గెల్చుకుని, సిరీస్పై ఆసక్తిని పెంచింది. అయితే రెండో సీజన్లో నటించిన సమంత.. రాజీ అనే ఉగ్రవాది పాత్రలో కనిపించనుందనే వార్తలు వస్తున్నాయి. మరి ఇందులో ఎంత నిజముందో తెలియాలంటే కొద్దిరోజులు ఆగాల్సిందే.
- " class="align-text-top noRightClick twitterSection" data="">
