స్టార్ హీరోయిన్ సమంత నటించిన తొలి వెబ్సిరీస్ 'ది ఫ్యామిలీ మ్యాన్-2' అమెజాన్ ప్రైమ్ వేదికగా త్వరలోనే విడుదల కానుంది. ఈ సందర్భంగా ఓ ప్రత్యేక ఇంటర్వ్యూలో మాట్లాడిన సామ్.. బాలీవుడ్, దక్షిణాది చిత్రపరిశ్రమల మధ్య ఉన్న వ్యత్యాసాన్ని వివరించారు.
"బాలీవుడ్లో ఒక నిర్దిష్టమైన శైలిని ఇష్టపడే ప్రేక్షకులను లక్ష్యంగా చేసుకుని సినిమా చేయడానికి స్వేచ్ఛ ఉంటుంది. ప్రతి ఒక్కరి అంచనాలను చేరుకోవాలన్న ఒత్తిడి ఎదుర్కోవాల్సిన అవసరం లేదు. కానీ, దక్షిణాది చిత్రపరిశ్రమల విషయంలో మాత్రం అందుకు పూర్తి భిన్నంగా ఉంటుంది. ప్రతి ఒక్క ప్రేక్షకుడిని థియేటర్కు రప్పించాలనే ఉద్దేశంతో సినిమా రూపొందించాల్సి ఉంటుంది" అని సమంత పేర్కొన్నారు.
ఇదీ చూడండి: 'జిమ్లు లేక 45 అంతస్తులు ఎక్కిదిగేదాన్ని'
