ఈ ప్రపంచాన్ని మార్చాలనుకుంటే ముందు తనని తాను మార్చుకుంటానని అగ్రకథానాయిక సమంత(samantha latest news) అంటున్నారు. ఇటీవల చైతూ-సామ్ విడిపోతున్నట్లు ప్రకటించడం వల్ల ప్రస్తుతం వాళ్లిద్దరే టాక్‌ ఆఫ్‌ ది టౌన్‌ అయ్యారు. ఈ నేపథ్యంలో సమంత చేసిన తాజా పోస్ట్(samantha instagram post) ఇప్పుడు అందరి దృష్టిని ఆకర్షిస్తోంది.
"ఈ ప్రపంచాన్ని మార్చాలనుకుంటే నన్ను నేను మార్చుకోవాలి. నా పడకగదిని నేను సిద్ధం చేసుకోవాలి. ఇంటిని పరిశుభ్రం చేసుకోవాలి. మధ్యాహ్నం వరకూ నిద్రపోకూడదు. ఇక, పగటి కలలు కనడం మానేసి.. చేయాల్సిన పనులపైనే దృష్టి పెట్టాలి" అని సమంత ఇన్‌స్టా స్టోరీలో షేర్ చేశారు.
విడిపోతున్నట్లు ప్రకటించిన తర్వాత సామ్ చేసిన మొదటి పోస్ట్ ఇదే కావడం వల్ల.. ప్రస్తుతం నెట్టింట్లో ఇది వైరల్గా మారింది. దశబ్దకాలంపాటు ప్రేమ.. నాలుగేళ్ల వైవాహిక బంధాని(samantha chai latest news)కి స్వస్తి చెబుతున్నట్లు అక్టోబర్‌ 2న నాగచైతన్య-సమంత అధికారికంగా ప్రకటించారు. దీంతో, వాళ్ల కుటుంబసభ్యులతోపాటు అభిమానులు కూడా విచారం వ్యక్తం చేస్తున్నారు.
ఇక, సినిమాల విషయానికి వస్తే.. ప్రస్తుతం సామ్ 'శాకుంతలం(shakuntalam movie)', 'కాతు వక్కుల రెందు కాదల్‌' చిత్రాల్లో నటిస్తున్నారు.
ఇవీ చూడండి: పారిస్ ఫ్యాషన్ వీక్లో ఐశ్వర్యా రాయ్ హొయలు.. ఫొటోలు వైరల్
