Pushpa 2 Samantha: 'పుష్ప' చిత్రంతో పాన్‌ ఇండియా స్థాయిలో క్రేజ్‌ను సొంతం చేసుకున్నారు అల్లు అర్జున్‌ . సుకుమార్ దర్శకత్వంలో తెరకెక్కిన ఈ సినిమా బాక్సాఫీస్‌ వద్ద భారీ విజయాన్ని అందుకుంది. బన్నీ మాస్గెటప్, నటన, దేవీ శ్రీ ప్రసాద్ మ్యూజిక్ సినిమాకే హైలెట్గా నిలిచాయి. ముఖ్యంగా సమంత చిందులేసిన 'ఊ అంటావా మావ' స్పెషల్ సాంగ్ దేశవ్యాప్తంగా మార్మోగిపోయింది. ఇప్పుడు అదే ఉత్సాహంతో 'పుష్ప2' తెరకెక్కించనున్నారు. త్వరలోనే ఇది సెట్స్పైకి వెళ్లనుంది. ఈ క్రమంలోనే ఈ సినిమా గురించి రోజుకో ఆసక్తికరమైన వార్త బయటకు వస్తోంది.
- " class="align-text-top noRightClick twitterSection" data="">
తాజాగా.. దర్శకుడు సుకుమార్ కథలో కొన్ని మార్పులు చేస్తున్నారని తెలిసింది. తొలి భాగంలో స్పెషల్ అట్రాక్షన్గా నిలిచిన సామ్ను 'పార్ట్ 2'లోనూ కనిపించేలా ఆయన ప్రయత్నాలు చేస్తున్నట్లు సమాచారం. ఆమె కోసం ప్రత్యేకంగా ఓ కీలక పాత్రను తీర్చిదిద్దుతున్నారట. మరి ఇందులో నిజమెంతో తెలియాలంటే అధికార ప్రకటన వచ్చే వరకు వేచి ఉండాల్సిందే. కాగా, ఈ రెండో భాగంలోనూ ప్రత్యేక గీతం ఉంటుందని, ఇందులో బాలీవుడ్ హాట్ బ్యూటీ దిశాపటానీ చిందులేయనుందని ప్రచారం సాగుతోంది.
ఇదీ చూడండి: 'ఆర్ఆర్ఆర్'పై మహేశ్, బన్నీ ఏమన్నారంటే?
