'షోలే', 'చుప్కే చుప్కే' , 'హమ్', 'హమ్ సాత్ సాత్ హై' ఇలా ఎన్నో మల్టీ స్టారర్ చిత్రాలకు పెట్టింది పేరు బాలీవుడ్. అగ్రహీరోలు కలిసి ఒకే తెరను పంచుకొంటే, అభిమానులకు ఆ సినిమా ఓ పండగనే చెప్పాలి. అలాంటిది ఇప్పుడు బాలీవుడ్ అగ్ర హీరోలైన షారుక్ ఖాన్, సల్మాన్ ఖాన్ కలిసి ఓ చిత్రంలో నటించనున్నారట. ఇటీవల జరిగిన ఓ ముఖాముఖి కార్యక్రమంలో ఈ విషయం గురించి చెప్పారు ప్రముఖ నిర్మాత నిఖిల్ ద్వివేది.
ఈ సినిమాకు సంజయ్ లీలా భన్సాలీ దర్శకత్వం వహిస్తాడని నిఖిల్ చెప్పారు. స్క్రిప్టు సిద్ధం చేసేందుకు కొంత సమయం కావాలని కోరాడ ఈ డైరక్టర్. 'జీరో' తర్వాత షారుక్ నుంచి ఇప్పటివరకు ఎలాంటి ప్రకటన రాలేదు.
సల్మాన్ 'దబంగ్ 3' ప్రస్తుతం థియేటర్లలో సందడి చేస్తోంది. అనంతరం మళ్లీ ప్రభుదేవాతోనే 'రాధే' సినిమాలో నటిస్తున్నాడు భాయ్. ఇది పూర్తయిన తర్వాతే.. ఈ మల్టీస్టారర్ ఓ కొలిక్కి వచ్చే అవకాశం ఉందని చిత్ర వర్గాలు చెప్పుకుంటున్నాయి.
ఇది చదవండి: అయ్యో.. జక్కన్న 'ఆర్‌ఆర్‌ఆర్‌' టైటిల్‌ కొట్టేశారట!
