బాలీవుడ్ హీరో సల్మాన్ఖాన్ నటిస్తున్న చిత్రం 'దబాంగ్ -3'. ముంబయిలో ఇటీవలే ట్రైలర్ ఆవిష్కరణ కార్యక్రమం జరిగింది. ఇందులో ఓ విలేకరి అన్న మాటకు విపరీతంగా నవ్వాడీ కథానాయకుడు.
ఇంతకీ ఆ సంగతి ఏంటంటే?
"సుమారుగా 50 మంది కొత్తవారిని పరిచయం చేశారు. అందుకే మిమ్మల్మి 'మదర్ థెరిసా ఆఫ్ బాలీవుడ్" అనొచ్చని ఓ విలేకరి అన్నారు. ప్రతిగా స్టేజిపై ఉన్న చిత్రబృందం అంతా ఘొల్లున నవ్వుకున్నారు. సల్మాన్ అయితే తనను తాను నియంత్రించుకోలేకపోయాడు. అయితే ఈ కార్యక్రమం మొత్తంలో విలేకర్లు అడిగిన చాలా ప్రశ్నలకు సమాధానం చెప్పలేదీ హీరో.
ఈ సినిమాతో మహేశ్ మంజ్రేకర్ కూతురు సయీ మంజ్రేకర్ హీరోయిన్గా పరిచయమవుతోంది. సోనాక్షి మరో కథానాయికగా నటిస్తోంది. ప్రభుదేవా దర్శకత్వం వహిస్తున్నాడు. సల్మాన్ స్వయంగా ఈ చిత్రాన్ని నిర్మిస్తున్నాడు. డిసెంబరు 20న తెలుగు, తమిళం, హిందీ, కన్నడ భాషల్లో ప్రేక్షకుల ముందుకు రానుంది.
ఇది చదవండి: చివరి నిమిషంలో సల్మాన్ పెళ్లి క్యాన్సిల్..!
