సాయితేజ్​ నినాదం.. 'సోలో బ్రతుకే సో బెటర్​'

సుప్రీమ్ హీరో సాయి ధరమ్​ తేజ్​.. యువతను ఆకర్షించేలా సినిమాలు చేస్తూ ట్రెండ్​కు తగ్గట్టు పాత్రలు ఎంచుకొని కలెక్షన్లు కొల్లగొడుతున్నాడు. 'చిత్రలహరి' వంటి ప్రేమకథా చిత్రంతో పాటు 'ప్రతిరోజూ పండగే' అంటూ వచ్చి మంచి క్రేజ్ దక్కించుకున్నాడు. తాజాగా 'సోలో బ్రతుకే సో బెటర్​' అనే నినాదంతో ఆకట్టుకుంటున్నాడీ హీరో.

మెగా మేనల్లుడు సాయి ధరమ్ తేజ్​... ఒక్కో జోనర్ ప్రేక్షకుల కోసం విభిన్న కథలు ఎంచుకుని ఆకట్టుకుంటున్నాడు. ఇటీవల 'ప్రతిరోజూ పండగే'తో అందర్ని అలరించాడు. ప్రస్తుతం తేజ్​ హీరోగా తెరకెక్కుతోన్న 'సోలో బ్రతుకే సో బెటర్​' సినిమాలో థీమ్ వీడియోను గురువారం విడుదల చేసింది చిత్రబృందం. ఇందులో సాయితేజ్​ యువతలో ప్రేరణ కలిగేలా మాట్లాడుతూ కనిపించాడు.

ఈ చిత్రానికి సుబ్బు దర్శకత్వం వహిస్తున్నాడు. బీవీఎస్​ఎన్​ ప్రసాద్​ నిర్మాత. తేజ్​ సరసన నభా నటేశ్​ కనిపించనుంది. తమన్​ సంగీతం అందిస్తున్నాడు. మే 1న చిత్రం ప్రేక్షకుల ముందుకు రానుంది.

• " class="align-text-top noRightClick twitterSection" data="">
  

ఇదీ చదవండి: పాన్​ ఇండియా సినిమాతో మనోజ్​ రీఎంట్రీ