బాలీవుడ్ హీరో సుశాంత్ సింగ్ రాజ్పుత్ మృతిపై ముంబయి పోలీసులు విచారణ కొనసాగిస్తూనే ఉన్నారు. ఈ క్రమంలోనే ఇప్పటివరకు సుశాంత్ కుటుంబ సభ్యులు, సన్నిహితులు, బాలీవుడ్ ప్రముఖులతో సహా 35 మందిని దర్యాపు చేశారు. తాజాగా హీరో సల్మాన్ ఖాన్ను కూడా పోలీసులు విచారణకు పిలిచినట్లు సామాజిక మాధ్యమాల్లో వార్తలు వస్తున్నాయి.
అయితే, ఈ కేసును దర్యాప్తు చేస్తున్న సీనియర్ అధికారి.. సల్మాన్ ఖాన్పై వస్తున్న వార్తలన్నీ అవాస్తవమని స్పష్టం చేశారు.
సుశాంత్ ఆత్మహత్యకు ముందు అనేక సినిమాలకు సంతకం చేశాడు. అయితే, కొంతమంది కుట్రపన్ని అతడిని ఈ ఒప్పందాల నుంచి తప్పించినట్లు నెటిజన్లు, కొంత మంది సినీ ప్రముఖుల ఆరోపించారు. ఈ నేపథ్యంలోనే హిందీ పరిశ్రమలోని కొందరిని విచారించారు పోలీసులు. ఇటీవలే ప్రముఖ దర్శకుడు సంజయ్ లీలా భన్సాలీ వాంగ్మూలం తీసుకున్నారు.
ఈ మధ్య వచ్చిన పోస్ట్మార్టం నివేదికలో సుశాంత్ ఊపిరాడక మరణించినట్లు నిర్ధరించారు వైద్యులు. ఏదేమైనా, రాజ్పుత్ ఆత్మహత్య చేసుకోవడానికి గల కారణాలను తెలుసుకునేందుకు పోలీసులు తీవ్రంగా శ్రమిస్తున్నారు.
ఇదీ చూడండి:'సుశాంత్ కుటుంబానికి అండగా ఉండండి'
