కరోనాపై ప్రజల్లో అవగాహన పెంచేందుకు, ముంబయి పోలీసులు అందుబాటులో ఉన్న ప్రతి అవకాశాన్ని ఉపయోగించుకుంటున్నారు. సామాజిక మాధ్యమాల ద్వారా పలు జాగ్రత్తలు సూచిస్తున్నారు. ఇప్పటికే ట్విట్టర్లో ఉండగా, తాజగా ఇన్స్టా ఖాతాను ప్రారంభించారు. ఈ విషయమై వారిని తనదైన శైలిలో స్వాగతించాడు బాలీవుడ్ దర్శకుడు రోహిత్ శెట్టి. ముంబయి పోలీసుల వాహనం వీడియోను పోస్ట్ చేసి.. 'సింగం' ఇన్స్టాకు స్వాగతం.. 'ఆయా ముంబయి పోలీస్'(ముంబయి పోలీసులు వచ్చేశారు) అంటూ వ్యాఖ్యను జోడించాడు.
- " class="align-text-top noRightClick twitterSection" data="View this post on Instagram
WELCOME TO INSTA SINGHAM! #MumbaiPoliceOnInsta #MumbaiPolice #AayaPolice #AayaMumbaiPolice
">
రోహిత్ పెద్ద మనస్సు
కరోనాపై అహర్నిశలు పోరాటం చేస్తున్న పోలీసు అధికారులు, సిబ్బంది కోసం ముందుకొచ్చాడు రోహిత్. ముంబయిలోని ఎనిమిది హోటల్స్‌లో ఉచితంగా భోజన వసతి, అలాగే విశ్రాంతి తీసుకోవడానికి వసతి కల్పించాడు. ఈ విషయంలో మానవత్వాన్ని చాటుకున్న రోహిత్కు ముంబయి పోలీసులు.. ట్విట్టర్ ద్వారా కృతజ్ఞతలు తెలిపారు.
'సింగం' సిరీస్, 'సింబా' వంటి పోలీసు సినిమాలతో పాటు 'గోల్మాల్ సిరీస్', 'చెన్నై ఎక్స్ప్రెస్'లతో ప్రత్యేక గుర్తింపు తెచ్చుకున్నాడు రోహిత్ శెట్టి.
ఇదీ చూడండి : దక్షిణాది రాష్ట్రాలన్నింటికీ హీరో విజయ్ విరాళాలు
