కొండా మురళి, కొండా సురేఖ దంపతుల జీవిత కథ ఆధారంగా తీసిన సినిమా 'కొండా'. రామ్గోపాల్ వర్మ దర్శకుడు. కొండా మురళి పాత్రలో అదిత్ అరుణ్, సురేఖ పాత్రలో ఇర్రా మోర్ నటించారు. కంపెనీ ప్రొడక్షన్ నిర్మిస్తోంది. ఆదివారంతో చిత్రీకరణ పూర్తయింది. ఈ సందర్భంగా వ‌రంగ‌ల్‌లో షూటింగ్ ముగింపు వేడుక నిర్వహించారు. దీనికి కొండా మురళి, సురేఖ దంపతులు హాజరయ్యారు.
అయితే ఈ పార్టీకి రామ్గోపాల్ వర్మ నక్సలైట్ గెటప్లో వచ్చారు. అంతే కాదు.. 'కొండా', 'బలుపెక్కిన ధనికుడా... కాల్ మొక్కుడు లేదిక' పాటలకు పెర్ఫార్మెన్స్ చేశారు. హీరో అదిత్ అరుణ్, ఇతర నటీనటులతో కలిసి స్టెప్పులు వేశారు.
"సినిమా స్టార్ట్ చేసేముందు నేను కొండా మురళి పేరు వినలేదు. ఓ ఎన్నికల సమయంలో కొండా సురేఖ పేరు విన్నాను. ఆమె ఇంటర్వ్యూలు చూశా. నేను రాజకీయాలు ఫాలో అవ్వను. నాకు ఏ పార్టీతోనూ సంబంధం లేదు. నేను ముంబైలో 'సత్య', 'కంపెనీ', ఇక్కడ 'రక్త చరిత్ర' తీసినప్పుడు గానీ తెలంగాణలో సాయుధ పోరాటం గురించి తెలియదు. ఒక వ్యక్తి చెప్పారు. అప్పుడు ఆయన గురించి రీసెర్చ్ చేశా. ప్రతి కథకు, సినిమాకు ఓ క్యారెక్టర్ ఉంటుంది. ఉదాహరణకు... హిట్లర్ లేకపోతే రెండో ప్రపంచ యుద్ధం, గాంధీజీ లేకపోతే భారత స్వాతంత్య్ర పోరాటానికి అర్థమే లేదు. గాంధీ ఒకవైపు, హిట్లర్ మరోవైపు ఉంటే కొండా మురళి మధ్యలో ఉన్నారు. త‌నను జైలులో చంపేస్తారా? అనేదాన్ని ఎదుర్కొని, చావుతో ఆడుకుని, నేడు ఇక్కడ కూర్చున్నారు. కొండా మురళి ఎక్స్‌పీరియ‌న్స్‌లు విని నేను విప‌తీరంగా ప్ర‌భావితం అయ్యాను. నాకు హిట్లర్, ముస్సోలిని, ప్రభాకరన్ నేపథ్యాలు తెలుసు. వీళ్లందరూ నమ్మిన సిద్ధాంతాలు, విలువల కోసం పోరాడతారు. అటువంటి అంశం నాకు కొండా మురళి జీవితంలో దొరికింది. అది పట్టుకుని, ఆ తాడును పట్టుకుని తీశాను. ఈ రోజు నాకు సాయుధ పోరాటం, నక్సలైట్ల గురించి తెలుసు. కొండా మురళి, సురేఖ జీవితాలను ఎంపిక చేసుకోవడానికి కారణం.. వాళ్ల నేపథ్యంలో ఈ కథ చెప్పడానికి అద్భుత అవకాశం దొరికింది. అందుకని, సినిమాకు 'కొండా' పేరు పెట్టాను. ప్రమాదాన్ని కొండా మురళి కోరి తెచ్చుకున్నారు. ప్రమాదం వస్తుందని భయపడలేదు. దాన్ని చూసి స్ఫూర్తి పొంది సినిమా తీశాను. కొండా మురళి జీవించిన జీవితమే నా సినిమా కథ. కొండా మురళి శత్రువులు, కొంత మంది పోలీసులను కలిసి వాళ్లు చెప్పినది విన్న తర్వాత నాకు ఓ క్లారిటీ వచ్చింది. నా కెరీర్‌లో కొండా మురళి కంటే బెటర్ సబ్జెక్ట్ 30 ఏళ్లలో దొరకలేదు. నేను అనుకున్నది 20 శాతం తీసినా నా కెరీర్‌లో బెస్ట్ ఫిల్మ్ అవుతుంది" అని డైరెక్టర్ రామ్గోపాల్ వర్మ అన్నారు.
అదిత్ అరుణ్, ఇర్రా మోర్, పృథ్వీరాజ్‌, తుల‌సి, ఎల్బీ శ్రీ‌రామ్‌, 'ఆటో' రామ్ ప్రసాద్ తదితరులు నటించిన ఈ చిత్రానికి డీఎస్ఆర్ సంగీతమందించారు.
ఇవీ చదవండి:
- అన్న మాట ఎప్పుడూ నిలబెట్టుకోను: ఆర్జీవీ
- బెదిరింపుల్ని నేను లెక్కచేయను: రామ్గోపాల్ వర్మ
- 'పెళ్లాం వద్దు పార్టీ ముద్దు' ఈవెంట్లో ఆర్జీవీ.. నాన్స్టాప్ పంచ్లు
- RGV: పబ్లో రచ్చ.. వర్మకు పక్కా 'అప్సర' పిచ్చి పట్టింది..!
- రామ్గోపాల్ వర్మ చెంప పగలగొట్టిన నటి!
- రామ్గోపాల్ వర్మ 'మనీ'కి ప్రాబ్లమ్స్!
- రాజకీయాల్లోకి రాను.. ఆ ఉద్దేశం అస్సలు లేదు: ఆర్జీవీ
