స్టైలిష్స్టార్ అల్లుఅర్జున్-దర్శకుడు సుకుమార్ కాంబోలో రూపొందుతోన్న చిత్రం 'పుష్ప'. ఎర్రచందనం అక్రమ రవాణా నేపథ్యంతో తెరకెక్కుతోన్న సినిమాలో రష్మిక కథానాయిక. దేవీశ్రీప్రసాద్ స్వరాలు సమకూరుస్తున్నారు. అల్లు అర్జున్ పుట్టినరోజు సందర్భంగా పుష్పరాజ్ లుక్ను పరిచయం చేయనుంది చిత్రబృందం. అయితే ఈ సినిమా కోసం సౌండ్ ఇంజనీర్గా ఆస్కార్ గ్రహీత రసూల్ పుకొట్టిని ఎంపికచేసినట్లు ప్రకటించారు.
బాలీవుడ్‌ ప్రముఖ నటుడు అభిషేక్‌ బచ్చన్‌ ప్రధాన పాత్రలో తెరకెక్కుతున్న చిత్రం 'బిగ్‌బుల్‌'. హర్షద్‌ మెహతా జీవితం ఆధారంగా రూపొందిస్తున్నారు. ఏప్రిల్ 8న ఈ చిత్రాన్ని నేరుగా ప్రముఖ ఓటీటీ డిస్నీ హాట్‌స్టార్‌లో గురువారం (ఏప్రిల్ 8) సాయంత్రం 7.30 గంటలకు విడుదల చేయనున్నారు. ఇందులో నిఖితా దత్తా అభిషేక్‌ భార్యగా నటిస్తుండగా, ఓ ప్రముఖ జర్నలిస్ట్‌ పాత్రలో ఇలియానా నటిస్తోంది. అజయ్‌ దేవ్‌గణ్‌, ఆనంద్‌ పండిత్‌ నిర్మాతలుగా వ్యవహరిస్తున్న ఈ చిత్రానికి కోకి గులాటి దర్శకత్వం వహిస్తున్నారు.
న‌వీన్ పొలిశెట్టి, ప్రియ‌ద‌ర్శి, రాహుల్ రామ‌కృష్ణ ప్రధాన పాత్రలో నటించిన చిత్రం 'జాతిరత్నాలు'. అనుదీప్ కేవీ దర్శకత్వం వహించగా.. నాగ్ అశ్విన్ నిర్మాతగా వ్యవహరించారు. ఫరియా అబ్దుల్లా కథానాయిక. మహా శివరాత్రి కానుకగా థియేటర్ల విడుదలైన ఈ సినిమా విశేష ప్రేక్షకాదరణ దక్కించుకొంది. ఈ చిత్రాన్ని ఓటీటీ ప్రేక్షకులను అలరించేందుకు రంగం సిద్ధమైంది. ఏప్రిల్ 11న అమెజాన్ ప్రైమ్లో విడుదల చేయనున్నట్లు ప్రముఖ డిజిటల్ వేదిక సంస్థ ట్విట్టర్లో ప్రకటించింది.
ఇదీ చూడండి: వరుణ్ పెళ్లిపై నెటిజన్ కామెంట్.. నాగబాబు కౌంటర్!
