విడుదలకు ముందే కొన్ని చిత్రాలపై భారీ అంచనాలుండటం సహజం. వాటిలో కొన్ని మాత్రమే ఆ అంచనాలను అందుకుంటాయి. తాజాగా 'జోకర్' చిత్రం ఆ అంచనాలని కూడా దాటుకుని విజయం సాధించింది. ప్రస్తుతం ఈ సినిమా ప్రపంచ వ్యాప్తంగా ఆరు వేల కోట్ల వసూళ్లు సాధించి ప్రపంచ రికార్డు దిశగా వెళుతున్నట్లు ఫోర్బ్స్‌ ఒక ప్రకటనలో తెలిపింది.
ఇప్పటి వరకు విడుదలైన హాస్య నేపథ్యం ఉన్న చిత్రాల్లో 'జోకర్' అత్యధిక వసూళ్లు సాధించిన సినిమాగా నిలిచింది. ఈ చిత్రంలో జోక్విన్ ఫొనిక్స్ నటనతో పాటు హాస్యం, భావోద్వేగాలు ప్రధానంగా ప్రేక్షకులను ఆకట్టుకున్నాయి. అక్టోబర్ 2న విడుదలైన ఈ మూవీ భారత్‌లో 'వార్‌', 'సైరా'లకు దీటుగా నిలబడి మల్టిప్లెక్స్‌ థియేటర్లలో 50 కోట్లు వసూళ్లు సాధించడం మరో విశేషం. ఈ చిత్రానికి టాడ్‌ ఫిలిప్స్‌ దర్శకత్వం వహించాడు.
