మాస్ మహారాజా రవితేజ హీరోగా వి.ఐ ఆనంద్ దర్శకత్వంలో ఎస్.ఆర్.టి ఎంటర్టైన్మెంట్ బ్యానర్లో తెరకెక్కుతున్న చిత్రం 'డిస్కోరాజా'. ఇటీవలే ఈ సినిమా షూటింగ్ మొద‌లైంది. ఇప్పటికే ఓ షెడ్యూల్ పూర్తి చేసుకున్న ఈ చిత్రం సెకండ్ షెడ్యూల్ ప్రస్తుతం వికారాబాద్లో జ‌రుగుతోంది.
ఇటీవలే రామోజీ ఫిల్మ్‌సిటీలో మాస్‌మ‌హారాజా రవితేజ, వెన్నెల కిషోర్ల మ‌ధ్య కీల‌క స‌న్నివేశాలు చిత్రీకరించారు. ఈరోజు, రేపు వికారాబాద్లో షూటింగ్ జ‌రుపుకుంటుంది. ఈ చిత్రంలో 'ఆర్ఎక్స్ 100' ఫేమ్ పాయల్ రాజ్పుత్, 'నన్ను దోచుకుందువటే' ఫేమ్ నభా నటేష్ హీరోయిన్లుగా నటిస్తున్నారు. మ‌రో హీరోయిన్ ఎంపిక జ‌ర‌గాల్సి ఉంది. ఇప్పటికే విడుదలయిన ఫస్ట్ లుక్ మోషన్ పోస్టర్కి మంచి స్పందన లభించింది.
ఇవీ చూడండి.. 'కబీర్ సింగ్' షాహిద్ కాకుంటే ఎవరు..?
