బాలీవుడ్ కథానాయకుడు రణ్వీర్ సింగ్ హీరోగా, రోహిత్ శెట్టి దర్శకత్వంలో ఓ వినోదాత్మక చిత్రం రూపొందనుందని సమాచారం. ఈ చిత్రంతో 'గోల్మాల్' ఫ్రాంచైజీ కన్నా భారీ వినోదాన్ని ప్రేక్షకులకు అందించాలని దర్శకుడు లక్ష్యంగా పెట్టుకున్నట్లు హిందీ చిత్రసీమలో ప్రచారం జరుగుతోంది.
రణ్వీర్, రోహిత్ శెట్టిలు కలిసి 2018లో 'సింబా' సినిమాకు పనిచేశారు. ఆ చిత్రీకరణలో ఇరువురి మధ్య అనుబంధం పెరిగింది. దీంతో మరోసారి కలిసి పనిచేయాలని వారు భావించినట్లు కొన్ని నివేదికలు పేర్కొన్నాయి. అక్షయ్, రోహిత్ శెట్టి కాంబినేషన్లో తెరకెక్కిన 'సూర్యవంశీ'లో రణ్వీర్ అతిథిపాత్రలో కనువిందు చేయనున్నాడు.
