మాయవతిపై జోక్​​.. చిక్కుల్లో బాలీవుడ్​ నటుడు!

బాలీవుడ్ నటుడు రణ్​దీప్​ హూడాను అరెస్టు చేయాలంటూ సోషల్​మీడియాలో డిమాండ్లు వెల్లువెత్తుతున్నాయి. ఇటీవలే ఓ టీవీ షోలో పాల్గొన్న ఆయన.. ఉత్తరప్రదేశ్​ మాజీ ముఖ్యమంత్రి మాయవతిపై అవమానకరమైన వ్యాఖ్యలు చేశాడని నెటిజన్లు ఆగ్రహం వ్యక్తం చేశారు. దానికి సంబంధించిన వీడియో నెట్టింట వైరల్​గా మారింది.

బహుజన్​ సమాజ్​ పార్టీ అధ్యక్షురాలు మాయావతిపై బాలీవుడ్​ నటుడు రణ్​దీప్​ హుడా అనుచిత వ్యాఖ్యలు చేశాడని ఆరోపణలువచ్చాయి. ఓ హిందీ ఛానల్​లో ప్రసారమవుతోన్న కామెడీ షోలో పాల్గొన్న రణ్​దీప్​.. మాయవతిపై అవమానకరంగా మాట్లాడిన వీడియో ప్రస్తుతం నెట్టింట వైరల్​గా మారింది. దీంతో పలువురు నెటిజన్లు ఆగ్రహిస్తూ.. సదరు నటుడ్ని అరెస్టు చేయాలని ట్విట్టర్​లో ట్రెండ్​ చేశారు.

ఈ సంఘటనతో పర్యావరణ వలస జాతుల ప్రచారకర్తగా ఉన్న రణ్​దీప్​ను ఐక్యరాజ్య సమితి తొలగించింది. రణ్​దీప్​ హూడా.. చివరిగా సల్మాన్​ఖాన్​ హీరోగా నటించిన 'రాధే' సినిమాలో కనిపించారు. అయితే ఈ సినిమా బాక్సాఫీసు వద్ద అనుకున్న స్థాయిలో కలెక్షన్లు సాధించలేకపోయింది.

ఇదీ చూడండి: Sonu Sood​ ఫౌండేషన్​.. ఇచ్చట ఆక్సిజన్​ కాన్సంట్రేటర్లు ఉచితం!