టాలీవుడ్ యువహీరో శర్వానంద్ గ్యాంగ్స్టర్ పాత్రలో నటించిన సినిమా 'రణరంగం'. త్రివిక్రమ్ చేతుల మీదుగా ట్రైలర్ను ఆదివారం విడుదల చేశారు. రెండు విభిన్న పాత్రల్లో అలరించనున్నాడీ యువ కథానాయకుడు.
'పవర్ ఉంటే సరిపోదు అది ఎవరి మీద చూపించాలో తెలుసుకోవాలి'.. 'ఈ ప్రపంచంలో డబ్బుతో కొనలేనిది ఏదైనా ఉందంటే అది డబ్బు ఒక్కటే'.. 'మూడో ప్రపంచ యుద్ధం నీళ్లకోసమంటే నమ్మలేదు ఇప్పుడు నమ్మక తప్పట్లేదు' లాంటి డైలాగ్లు సినిమాపై అంచనాల్ని పెంచుతున్నాయి.
కల్యాణి ప్రియదర్శన్, కాజల్ అగర్వాల్ హీరోయిన్లుగా నటించారు. ప్రశాంత్ పిల్లై సంగీతాన్ని అందించాడు. సితార ఎంటర్టైన్మెంట్స్ బ్యానర్పై నిర్మించిన ఈ చిత్రానికి సుధీర్ వర్మ దర్శకత్వం వహించాడు. ఆగస్టు 15న ప్రేక్షకుల ముందుకు రానుంది.
ఇది చదవండి: ట్రైలర్: ఆద్యంతం నవ్వించిన 'చిచోరే' గ్యాంగ్
