ఇదిగో రామ్ ఇక్కడ ఒక భారీ సైజు గన్ పట్టుకుని విలన్‌ ఎక్కడా అని గురిపెడుతున్నట్టు ఉంది కదూ, కాని ఇది చిత్రీకరణ కాదు.. అతను ఎవర్నీ కాల్చాలనుకోవటం లేదు. మరి అయితే ఈ గన్ ఏంటీ, ఆ గురి పెట్టడం ఏంటీ అని అలోచిస్తున్నారా? అతని చేతిలో ఉన్నది డమ్మీ గన్ కాదు. అది ఒక నిజం తుపాకి.
వివిధ పోలీసు శాఖలు, రక్షణ దళాలు, మిలిటరీ దళాలకు 25 ఏళ్లుగా తుపాకులు, ఏకే47 వంటి ఆయుధాలను వారి అవసరాలకు అనుగుణంగా రూపొందించి సరఫరా చేసిన జెన్‌ టెక్నాలజీస్ సంస్థ హైదరాబాద్‌లో రజతోత్సవ కార్యక్రమం నిర్వహించింది. ఈ వేడుకకు యువ కథానాయకుడు రామ్‌ని ముఖ్య అతిథిగా ఆహ్వానించింది. ఆ కార్యక్రమానికి హాజరైన ఈ ఎనర్జిటిక్ స్టార్ అక్కడ ఉన్న ఆయుధాలను పరిశీలించి వాటి వివరాలు అడిగి మరీ తెలుసుకున్నాడు. కొన్నిటిని చేతిలోకి తీసుకుని వాటిని ఎలా ఉపయోగించాలో తెలుసుకుని వాటిపై ప్రయోగం కూడా చేశాడు. షూటింగ్‌ రేంజ్‌ ఎలా ఉంటుందో అనుభవ పూర్వకంగా తెలుసుకున్నాడు.
ఇక్కడ రామ్ మాట్లాడుతూ.."ఇంతకుముందు ఎన్నడూ చూడని అనుభవం ఇది...సినిమాలోలాగా లేదు. చాలా కొత్తగా థ్రిల్లింగ్‌గా ఉంది. ఈ వేడుకకు నన్ను ఆహ్వానించినందుకు సంస్థకు ప్రత్యేకంగా కృతజ్ఞతలు" అని చెప్పాడు.
ఇవీ చూడండి.. 'మార్పు స్థిరమైంది' అంటోన్న సుశాంత్
