ముగ్గురు హీరోయిన్లతో దర్శకేంద్రుడి కొత్త సినిమా

ప్రముఖ దర్శకుడు రాఘవేంద్రరావు సంచలన విషయం వెల్లడించారు. చాలా రోజులుగా కెమెరా పట్టుకోని ఈ లెజండరీ డైరెక్టర్ ఎన్టీఆర్​ జయంతి సందర్భంగా​ తన తదుపరి చిత్ర విశేషాలు పంచుకున్నారు. ఇందులో ముగ్గురు హీరోయిన్లు ఉంటారని క్లూ ఇచ్చారు.

దర్శకేంద్రుడు రాఘవేంద్రరావు చివరిగా ‘నమో వెంకటేశ’ చిత్రంతో పలకరించి అప్పుడే రెండేళ్లు పూర్తి కావొస్తోంది. త్వరలోనే ఓ సినిమాను పట్టాలెక్కించబోతున్నట్లు వెల్లడించారు ఆయన. మే 28న నటసార్వభౌమ ఎన్టీఆర్ జయంతి సందర్భంగా ఈ సరికొత్త ప్రాజెక్టు విశేషాలు అభిమానులతో పంచుకున్నారు. ఇందులో ముగ్గురు దర్శకులు భాగం కానున్నారని వెల్లడించారు రాఘవేంద్రరావు. ముగ్గురు హీరోయిన్లతో ఓ హీరో మాత్రమే నటిస్తున్నట్లు పేర్కొంటూ జోహార్​ ఎన్టీఆర్​ అనే హ్యాష్​ట్యాగ్​తో ట్విట్టర్​లో పోస్టు చేశారు.

" నా యాభై ఏళ్ల సినీ జీవితంలో అన్నగారితో ప్రయాణం ఎన్నటికీ మరువలేనిది. గత జన్మ సుకృతంగా భావిస్తాను. ఆ మహానుభావుడి జయంతి సందర్భంగా నా తదుపరి చిత్రాన్ని ప్రకటించడం ఆనందంగా ఉంది. నా కెరీర్​లో ఈ చిత్రం ప్రత్యేకం. మరింత కొత్తగా ప్రయత్నించబోతున్నాను. పూర్తి వివరాలు త్వరలో..."
-- రాఘవేంద్రరావు, దర్శకుడు

రాఘవేంద్రరావు ట్వీట్​

ఈ సినిమా పూర్తిగా నూతన నటీనటులతోనే తెరకెక్కించాలని యోచిస్తున్నట్లు సమాచారం.