బాలీవుడ్లో భారీ అంచనాలతో తెరకెక్కనున్న రీమేక్ చిత్రం 'విక్రమ్ వేద'. హృతిక్రోషన్(Hrithik Roshan), సైఫ్ ఆలీఖాన్(Saif Ali Khan) ప్రధాన పాత్రల్లో నటించనున్నారు. ఇందులోని మరో ముఖ్యమైన పాత్ర కోసం కథానాయిక రాధికా ఆప్టేను(Radhika Apte) ఎంపిక చేసినట్టు తెలుస్తోంది. ఇందులోని న్యాయవాది పాత్ర చాలా కీలకమైంది.
పోలీస్ అధికారికి (సైఫ్ అలీఖాన్) భార్యగా.. గ్యాంగ్స్టర్(హృతిక్ రోషన్)కు న్యాయవాదిగా వ్యవహరించే ఈ పాత్రకు రాధిక అయితే బాగుంటుందని చిత్రబృందం భావించిదట. తమిళ మాతృకను తెరకెక్కించిన పుష్కర్, గాయత్రిలే(Pushkar–Gayathri) హిందీ రీమేక్కు దర్శకత్వం వహించనున్నారు. వచ్చే రెండు నెలల్లో ఈ సినిమాను సెట్స్పైకి తీసుకెళ్లి 2022 సెప్టెంబరులో విడుదల చేసేందుకు చిత్రబృందం సన్నాహాలు చేస్తోంది.
'విక్రమ్ వేదా' హిందీ రీమేక్ను తొలుత సైఫ్-ఆమీర్లతో తెరకెక్కించాలనుకున్నారు. కానీ కొన్ని కారణాలతో ఆమీర్ ఖాన్(Aamir Khan) తప్పుకోగా, ఆయన స్థానంలో హృతిక్ను వేదా పాత్ర పోషించేందుకు తీసుకునట్టు వార్తలు వచ్చాయి. అయితే డేట్స్ సర్దుబాటు కాకపోవడం వల్ల హృతిక్ కూడా తప్పుకున్నట్టు ఊహాగానాలు జోరందుకున్నాయి. కానీ ఎట్టకేలకు హృతిక్, సైఫ్ కాంబినేషన్లోనే చిత్రం తెరకెక్కబోతుంది.
ఇదీ చూడండి.. బ్లాక్బస్టర్ రీమేక్లో హృతిక్-సైఫ్
